28.06.2026 | 11:58
Հետվճարի տեսքով վերադարձվել է 30 միլիարդ դրամ․ կառավարությունը՝ կենսաթոշակների մասին
Կրիշտիանու Ռոնալդուն դարձել է պատմության մեջ առաջին միլիարդատեր ֆուտբոլիստը
08.10.2025 | 14:52
Կրիշտիանու Ռոնալդուն դարձել է պատմության մեջ առաջին ֆուտբոլիստը՝ շուրջ մեկուկես միլիարդ դոլար կարողությամբ։ Նրա կարողությունը ներկայում գնահատվում է 1,4 միլիարդ դոլար, հայտնում է Bloomberg -ը, որին վկայակոչում է The Insider-ը։
Իր ավելի քան 20-ամյա կարիերայի ընթացքում պորտուգալացի հարձակվողը խաղացել է Եվրոպայի ամենահայտնի ակումբներից մի քանիսում, այդ թվում՝ «Ռեալ Մադրիդ», «Մանչեսթեր Յունայթեդ» և «Յուվենտուս», կնքել է գովազդային պայմանագրեր խոշոր ապրանքանիշերի հետ, այդ թվում՝ «Armani»-ի և «Nike»-ի։
Այնուամենայնիվ, նա միացել է աշխարհի ամենահարուստ մարզիկների շարքին՝ շնորհիվ Սաուդյան Արաբիայի «Ալ-Նասր» ակումբի հետ հունիսին կնքված նոր պայմանագրի, որի արժեքը գերազանցում է 400 միլիոն դոլարը։
Ռոնալդուն, որն այժմ 40 տարեկան է, իր կարիերայի ընթացքում մի քանի ռեկորդ է սահմանել, այդ թվում՝ 2018 թվականին դառնալով Եվրոպայի լավագույն ռմբարկու՝ Պորտուգալիայի հավաքականի կազմում 152 խաղում խփելով 85 գոլ։ Նա նաև դարձել է առաջին ֆուտբոլիստը, որը հինգ անգամ հաղթել է ՈՒԵՖԱ-ի Չեմպիոնների լիգայի եզրափակիչներում։
2015 թվականին Պորտուգալիայի ֆուտբոլի ֆեդերացիան Ռոնալդուին ճանաչել է ազգային ֆուտբոլի պատմության լավագույն խաղացող։
Թարգմանությունը՝ Էմմա Չոբանյանի
