19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ՄԻՊ ներկայացուցիչները ՔԿՀ-ում առանձնազրույց են ունեցել Արսեն Ղուկասյանի հետ
Հասարակություն
07.10.2025 | 19:19
Մարդու իրավունքների պաշտպան Անահիտ Մանասյանի հանձնարարությամբ հոկտեմբերի 7-ին ՄԻՊ ներկայացուցիչներն այց են իրականացրել ՀՀ ԱՆ «Նուբարաշեն» և «Վարդաշեն» քրեակատարողական հիմնարկներ: Այցի շրջանակներում տեղի են ունեցել խորհրդապահական առանձնազրույցներ, այդ թվում՝ Արսեն Ղուկասյանի հետ: Այս մասին տեղեկացնում են ՄԻՊ աշխատակազմից:
«Ուսումնասիրվել են անձանց իրավունքների (այդ թվում՝ առողջության պահպանման) ապահովման վիճակը, պահման պայմանները և այլն:
Ազատությունից զրկված անձանց կողմից բարձրացված հարցերը քննարկվել են քրեակատարողական հիմնարկների վարչակազմերի և «Քրեակատարողական բժշկության կենտրոն» ՊՈԱԿ-ի ներկայացուցիչների հետ։
Այցերի մանրամասները խորհրդապահական են՝ ենթակա չեն հրապարակման:
Արդյունքները կամփոփվեն և արձանագրված խնդիրների կապակցությամբ անհրաժեշտ պարզաբանումներ կպահանջվեն իրավասու մարմիններից»,- ասված է հաղորդագրության մեջ։
Ավելի վաղ տեղեկացրել էինք, որ աԱնհետ կորած զինծառայող Սարգիս Ղուկասյանի հորեղբայր Արսեն Ղուկասյանը մեկ ամսով կալանավորվեց. Երևանի ընդհանուր իրավասության դատարանի դատավոր Մասիս Մելքոնյանը բավարարեց նախաքննական մարմնի միջնորդությունը։
Հիշեցնենք՝ սեպտեմբերի 29-ին անհետ կորածների մի խումբ հարազատներ հավաքվել էին ՊՆ շենքի դիմաց: Նրանք պահանջում էին հանդիպում ԳՇ պետ Էդվարդ Ասրյանի, Կամո Վարդանյանի, հետախուզության նախկին պետի հետ։ Ակցիայի ժամանակ իրավիճակը լարվել էր և քաշքշուկ էր տեղի ունեցել ռազմական ոստիկանների և անհետ կորածների հարազատների միջև: Ակցիայից հետո քրեական վարույթ է նախաձեռնվել, նախաքննության ընթացքում 2 անձ ձերբակալվել էր։
