ԱՄՆ-ում բժշկական ուղղաթիռը վթարի է ենթարկվել․ կան վիրավորներ․ ՏԵՍԱՆՅՈՒԹ

ԱՄՆ Քալիֆորնիա նահանգում բժշկական ուղղաթիռ է վթարի ենթարկվել մայրուղու վրա, որի հետևանքով երեք մարդ ծանր վիրավորվել է։ Արտակարգ իրավիճակների ծառայությունները փակել են որոշ երթևեկելի գոտիներ, գրում է DW-ն։

Դեպքը տեղի է ունեցել տեղական ժամանակով ժամը 19:00-ից անմիջապես հետո՝ Սակրամենտոյի արևելյան ուղղությամբ ընթացող 50-րդ մայրուղու վրա: Թռիչքի հետևման տվյալների համաձայն՝ ուղղաթիռը մի քանի րոպե առաջ բարձրացել էր UC Davis բժշկական կենտրոնից։

Պաշտոնյաները CNN-ին հայտնել են, որ ինքնաթիռում հիվանդներ չեն եղել, իսկ վիրավորների թվում են օդաչուն, բուժքույրը և շտապօգնության աշխատակիցը: Սակրամենտոյի քաղաքապետ Քևին Մաքքարթին ասել է, որ երեք անձինք բուժում են ստանում հիվանդանոցում: Օդաչուն, բուժքույրը և շտապօգնության աշխատակիցը ծանր վիճակում տեղափոխվել են հիվանդանոց։

«Խնդրում ենք օգտվել այլընտրանքային երթուղիներից և սպասել ուշացումների։ Հնարավոր են լրացուցիչ խցանումներ տարածքում»,- X-ում նշել է Հարավային Սակրեմենտոյի պարեկային տարածքի գրասենյակը՝ հավելելով, որ որոշ երթուղիներ փակվել են։

Վթարի պատճառը հետաքննվում է։

Վթարի ենթարկվածը REACH օդային բժշկական ուղղաթիռ է։ REACH-ի մայր ընկերության՝ Global Medical Response-ի հասարակայնության հետ կապերի տնօրեն Քիրստեն Գուրմենդին նշել է, որ պարզում են իրավիճակի մանրամասները, ինչպես նաև REACH անձնակազմի անդամների վիճակը, որոնք տեղափոխվել են տեղական հիվանդանոցներ։

«Մենք այս իրավիճակի մանրամասները, ինչպես նաև REACH-ի անձնակազմի վիճակը պարզելու գործընթացում ենք»,- ասել է Գուրմենդին։

Թարգմանությունը՝ Էմմա Չոբանյանի