29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Իրանում հեղափոխության պահապանների կորպուսի երկու անդամ է զոհվել բախումների հետևանքով
Քաղաքականություն
07.10.2025 | 15:57
Իրանի Իսլամական հեղափոխության պահապանների կորպուսի (ԻՀՊԿ) երկու անդամ զոհվել է, ևս երեքը՝ վիրավորվել Սերվաբադ քաղաքի արևմտյան մասում զինյալների հետ բախումների ժամանակ։ Այս մասին հայտնել է ԻՀՊԿ-ն, գրում է Iran International-ը։
Քորդեստան նահանգում գտնվող Բեյթ ալ-Մոքադդաս ստորաբաժանումը հայտնել է, որ հարձակումը տեղի է ունեցել երկուշաբթի ուշ երեկոյան, հարձակվողները նռնակ են նետել քաղաքի Հեզբոլլահ հրապարակի տարածքում գտնվող պահապանների դիրքի վրա։ Մահացածները նույնականացվել են որպես հոգևորական Ալիռեզա Վալիզադե և Այուբ Շիրի, երկուսն էլ անվտանգության աշխատակիցներ են։ Եվս երեքը վնասվածքներով տեղափոխվել են հիվանդանոց։
Կորպուսը հարձակման մեջ մեղադրել է վարձկան ահաբեկիչներին և հայտարարել, որ անվտանգության ուժերը հետապնդում են նրանց։
«Սերվաբադում մի քանի քաջարի մարդկանց նահատակությունն ու վիրավորումներն ապացուցում են, որ Իրանի անվտանգությունը հիմնված է իր անձնուրաց պաշտպանների քաջության վրա։ Նման ահաբեկչական հարձակումները երբեք չեն թուլացնի ժողովրդին պաշտպանելու մեր վճռականությունը»,- ասվում է հայտարարության մեջ։
Անցյալ ամիս էլ Սիստան-Բելուջիստան նահանգում զինված անձինք կրակ էին բացել ոստիկանական մեքենայի վրա՝ սպանելով առնվազն երկու սպայի։ Թեհրանն անկարգությունների համար մեղադրում է «արտաքին աջակցություն ստացող ահաբեկիչներին» և ակտիվացրել է անվտանգության գործողությունները երկու տարածքներում էլ՝ տարածաշրջանային ավելի լայն անկայունության ֆոնին։
Թարգմանությունը՝ Էմմա Չոբանյանի
