11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
«Բացահայտիր Հայաստանը երկնքից» օդագնացության միջազգային փառատոնին 9 երկրից 120 մասնակից կլինի․ ՏԵՍԱՆՅՈՒԹ
Մշակույթ
07.10.2025 | 14:15
«Բացահայտիր Հայաստանը երկնքից» օդագնացության միջազգային փառատոնի մեկնարկը տրվելու է Էրեբունի ամրոցի հարակից տարածքից։ Այս մասին մամուլի ասուլիսի ժամանակ ասաց «Սկայբոլ» ընկերության տնօրեն Նաիրի Բարսեղյանը։
Ըստ Բարսեղյանի՝ օդապարիկները երկինք կբարձրանան երկու անգամ՝ 07:00-ին և 16:30-ին: Առավոտյան թռիչքը կոմերցիոն կլինի, իսկ օրվա երկրորդ կեսին երկինք կբարձրանան փառատոնին աջակից գործընկերներ, լրագրողներ ու բլոգերներ:
Փառատոնին 120 անձ կմասնակցի աշխարհի 9 երկրներից, կլինի 20 օդապարիկ՝ ԱՄԷ-ից, Անգլիայից, Բրազիլիայից, Բուլղարիայից, Վրաստանից, Իտալիայից, Ռուսաստանից, Ճապոնիայից, Հայաստանից:
«Ամեն տարի մասնակիցների աշխարհագրությունը մեծանում է։ Տեղերը խիստ սահմանափակ են, ինչը ցույց է տալիս, որ կա պոտենցիալ Հայաստանում ու մարդիկ ցանկանում են գան տեսնեն։ Ամենաճանաչված վայրերից մեկը թուրքական Կապադովկիայում է, որտեղ միաժամանակ 150 օդապարիկ է երկինք բարձրանում։ Բոլոր այն մասնակիցները, որոնք եղել են և՛ այնտեղ, և՛ այստեղ, գնահատում են, որ իրականաում Հայաստանում պոտենցիալը շատ մեծ է»,- նշեց Բարսեղյանը:
Փառատոնի ընթացքում անցկացվելու են օդապարիկների ազատ թռիչքներ Հանրապետության հրապարակի, Էրեբունու, Գառնու, Ապարանի օդային տարածքներում։ Այն ունի նաև մրցութային բաղադրիչ․ թռիչքների ընթացքում լինելու են մարզական մրցումներ։
Մանրամասները՝ տեսանյութում։
