Բաքուն կարող է պատժամիջոցների տակ հայտնվել, եթե չկատարի վաշինգտոնյան համաձայնագրերը․ նախագիծ՝ ԱՄՆ Կոնգրեսում

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

ԱՄՆ կոնգրեսական, Ներկայացուցիչների պալատի արտաքին հարաբերությունների հանձնաժողովի փոխնախագահ Դարել Իսան ներկայացրել է«Preventing Escalation and Advancing Caucasus Engagement Act (PEACE Act)»՝ Կովկասում լարվածության թուլացման և ներգրավվածության մասին (PEACE Act) օրինագիծը, որի համահեղինակներից մեկը կոնգրեսական Գաս Բիլիրակիսն է։ Նպատակն է կանխել Ադրբեջանի կողմից ապագա ագրեսիայի ակտերը և ամրապնդել Հայաստանի ու Ադրբեջանի միջև առկա խաղաղության շրջանակը, որը ձեռք է բերվել ԱՄՆ նախագահ Դոնալդ Թրամփի վարչակազմի կողմից։

«Ամերիկյան առաջնորդությունն անփոխարինելի տարր է, որը կարող է իսկապես պատվով խաղաղություն հաստատել այն վայրերում, որոնք այդքան երկար ժամանակ միայն պատերազմ են տեսել։ Շատերը կարծում էին, որ մարտական ​​գործողությունները դադարեցնելու և Հայաստանի նկատմամբ ագրեսիան կանխելու համաձայնագիր կնքել հնարավոր չէ, բայց նախագահ Թրամփի խաղաղության օրակարգը միաժամանակ ռազմավարական և իրատեսական է և մերժում է համաշխարհային ստատուս քվոն։ «ԽԱՂԱՂՈՒԹՅԱՆ ակտը» իրական հետևանքներ է սահմանում համաձայնագրի ցանկացած խախտման համար՝ միաժամանակ ամրապնդելով Թրամփի վարչակազմի շարունակական դիվանագիտական ​​ջանքերը՝ ինքնիշխանության և կայունության անունից»,- ասել է Իսան։

«Այս օրինագիծն  աջակցում է մեր հայ գործընկերներին, ապահովում է ագրեսիայի համար պատասխանատվություն և պահպանում է ուշադրությունը բանակցային կարգավորման վրա, որը հարգում է ինքնիշխանությունը և տարածաշրջանային անվտանգությունը»,- իր հերթին ասել է կոնգրեսական Բիլիրակիսը։

Ինչ է սահմանում PEACE Act-ը

Կանխում է նոր ագրեսիան. նախագահի կողմից Ադրբեջանի կողմից Հայաստանի դեմ թշնամական գործողությունների իրականացման վերաբերյալ որոշման դեպքում՝ օրինագիծը պատժամիջոցներ է սահմանում պատասխանատու բարձրաստիճան պաշտոնյաների, ստորաբաժանումների, նպաստողների և հանցակից օտարերկրյա գործող անձանց նկատմամբ։

Ֆինանսական հաստատությունների թիրախավորումը. պահանջում է սահմանափակումներ կիրառել այն օտարերկրյա ֆինանսական հաստատությունների նկատմամբ, որոնք գիտակցաբար նպաստում են նավթի առևտրի հետ կապված որոշակի ադրբեջանական հաստատությունների համար նշանակալի գործարքների իրականացմանը։

Պաշտպանում է մարդասիրական ուղիները. պահպանում է գյուղատնտեսական ապրանքների, սննդի, դեղորայքի և բժշկական սարքավորումների գործարքները, պահպանում է բացառությունները ԱՄՆ հետախուզական գործունեության և պայմանագրային պարտավորությունների համար։

Պաշտպանում է դիվանագիտությունը. թույլատրում է լրացուցիչ պատժամիջոցներ այն դերակատարների նկատմամբ, որոնք գիտակցաբար փորձում են հետաձգել, խափանել  այս տարվա համատեղ հռչակագրին համապատասխան խաղաղության համաձայնագիրը։

Ապահովում է վերահսկողություն. պահանջում է նախագահի կողմից Կոնգրեսին պարբերաբար հաշվետվություն ներկայացնել ցանկացած թշնամական գործողության, ինչպես նաև ցանկացած պատժամիջոցների արդյունավետության և կարգավիճակի մասին: Այն նաև նախատեսում է դադարեցման չափանիշներ և կիրառման յոթ տարվա ժամկետ:

«ԽԱՂԱՂՈՒԹՅԱՆ ակտը (The PEACE Act) հիմնարար նշանակություն ունի ադրբեջանական ագրեսիան զսպելու և Հայաստանի ու Ադրբեջանի միջև արդար ու երկարատև խաղաղությունը սատարելու համար։ Մենք ողջունում ենք կոնգրեսականներ Իսային և կոնգրեսական Բիլիրակիսին՝ Հարավային Կովկասում ԱՄՆ ռազմավարական շահերը պաշտպանող այս կարևորագույն օրենսդրական ակտը ներկայացնելու գործում իրենց առաջնորդության համար»,- հայտարարել է Global ARM-ի նախագահ Թիմոթի Ջեմալը։

Թարգմանությունը՝ Էմմա Չոբանյանի