20.05.2026 | 22:38
Հեռու չենք նրանից, որ մի քանի տարի անց գլխավոր գործունեությունը դառնա նամազը. Կարապետյան. ՏԵՍԱՆՅՈՒԹ
Բաքվի բանտում պահվող Ռուբեն Վարդանյանի՝ ռուսական «Ատոմ» էլեկտրամեքենայի նախագծում բաժնեմասը վաճառվել է
Քաղաքականություն
07.10.2025 | 12:22
Բաքվի բանտում պահվող Արցախի նախկին պետնախարար, գործարար Ռուբեն Վարդանյանի՝ ռուսական «Ատոմ» էլեկտրական մեքենաների նախագծում բաժնեմասը վաճառվել է։ Կոմերսանտը պարզել է, որ «Կամա»-ի հիմնական բաժնետիրոջ՝ «Վոսխոդ» («Восход») ՍՊԸ-ում նրա 25% բաժնեմասը փոխանցվել է հենց ընկերությանը։
Այժմ «Վոսխոդ»-ի մնացած համասեփականատերերն են «ԿամԱԶ»-ի գլխավոր տնօրեն Սերգեյ Կոգոգինը (37,5%) և «Սպեկտր» ՍՊԸ-ն (37,5%): 2024 թվականի աշնանը Վարդանյանը նաև դադարել է լինել «ԿամԱԶ»-ի համասեփականատեր։
«Կամա»-ն հաստատել է «Ատոմ» էլեկտրական մեքենայի սերիական արտադրությունը «Մոսկվիչ» գործարանում տարեվերջին սկսելու ծրագրերը։
ՌԻԱ Նովոստիի փոխանցմամբ՝ տրանսպորտային միջոցի արժեքը, առանց պետական աջակցության, կանխատեսվում է 3-4 միլիոն ռուբլի։ Կոմերսանտի կողմից հարցված փորձագետների մեծ մասը կասկածանքով է մոտենում նախագծին՝ բարձր գնի պատճառով, սակայն չի բացառում տաքսիների և քարշերինգի ծառայությունների հետաքրքրությունը։
Թարգմանությունը՝ Էմմա Չոբանյանի
