07.09.2026 | 16:58
Երևանի գերեզմանատան հարակից տարածքում «ԱԿ-47» ինքնաձիգ և փամփուշտներ են հայտնաբերվել
Թրամփը հայտարարել է, որ գրեթե որոշում կայացրել է Կիևին Tomahawk հրթիռների մատակարարման վերաբերյալ
Քաղաքականություն
07.10.2025 | 11:55
ԱՄՆ նախագահ Դոնալդ Թրամփը հայտարարել է, որ գրեթե որոշում կայացրել է Ուկրաինային Tomahawk հրթիռներ մատակարարելու վերաբերյալ, բայց ցանկանում է իմանալ, թե Կիևն ինչ է անելու դրանց հետ, գրում է Current time-ը։
Լրագրողի հարցին՝ արդյո՞ք ԱՄՆ-ը նման հրթիռներ կմատակարարի Ուկրաինային, թե՞ կվաճառի դրանք ՆԱՏՕ-ին՝ Ուկրաինայում հետագա բաշխման համար, Թրամփը պատասխանել է, որ ինքը «որոշ իմաստով» որոշում է կայացրել։ Միաժամանակ, նա նշել է, որ նախ կցանկանար իմանալ, թե ինչ է «Ուկրաինան պատրաստվում անել դրանց հետ»։
«Ո՞ւր են նրանք դրանք ուղղելու։ Կարծում եմ՝ ինձ պետք է այդ հարցը տալ»,- ասել է Թրամփը։
ԱՄՆ նախագահը կրկնել է, որ այս պատերազմը երբեք չպետք է սկսվեր՝ հավելելով, որ ինքը «չի ցանկանում տեսնել սրացում»։
Ըստ լրատվամիջոցների տեղեկությունների՝ Ուկրաինայի նախագահ Վլադիմիր Զելենսկին հատուկ խնդրել է Tomahawk թևավոր հրթիռներ Թրամփի հետ հանդիպման ժամանակ: Եթե հրթիռները փոխանցվեն Կիևին, դրանք կկարողանան հասնել արևելքում գտնվող ՌԴ Տյումենին, իսկ հյուսիսում՝ Մուրմանսկին և Արխանգելսկին։
Սեպտեմբերի վերջին ԱՄՆ նախագահի հատուկ ներկայացուցիչ Քիթ Քելլոգը հայտարարել էր, որ այդ հրթիռների վերաբերյալ որոշում դեռևս չի կայացվել: Հոկտեմբերի սկզբին լրատվամիջոցները հայտնել էին, որ ԱՄՆ-ն Ուկրաինային կտրամադրի հետախուզական տվյալներ Ռուսաստանի էներգետիկ ենթակառուցվածքներին հեռահար հրթիռային հարվածների համար։
ՌԴ նախագահ Վլադիմիր Պուտինն էլ հայտարարել է, որ Tomahawk թևավոր հրթիռների փոխանցումը Կիևին «ոչինչ չի փոխի մարտադաշտում»: Նա պնդել է, որ Ռուսաստանի ՀՕՊ համակարգը հարմարվել է ATACMS հրթիռներին և սկսել է դրանք խոցել, սակայն հրթիռների մատակարարումը կսրի Մոսկվայի և Վաշինգտոնի հարաբերությունները։
Թարգմանությունը՝ Էմմա Չոբանյանի
