19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Մեղադրողը միջնորդեց Արարատ Միրզոյանի բռնության գործով մեղադրյալին 7 տարի ազատազրկման դատապարտել․ ՏԵՍԱՆՅՈՒԹ
Հասարակություն
06.10.2025 | 18:16
Հանրային մեղադրողն ու ԱԳՆ նախարար Արարատ Միրզոյանի ներկայացուցիչները այսօրվա դատական նիստի ընթացքում միջնորդեցին առավելագույն՝ 7 տարի ազատազրկման դատապարտել Միրզոյանի նկատմամբ բռնության գործով մեղադրյալ Թորգոմ Ասատրյանին։
Ըստ դատարան ուղարկված գործի՝ Ասատրյանը մեղադրվում է 2020 թվականի նոյեմբերի 9-ին Արարատ Միրզոյանի սպանության փորձի մեջ։ Սակայն դատարանը հրապարակել է վերդիկտ՝ սպանության փորձի հոդվածը վերաորակելով ավելի մեղմ՝ նախկին Քրեական օրենսգրքի 225-րդ հոդվածի 2-րդ մասով, այսինքն՝ զանգվածային անկարգությունների ժամանակ դրանց մասնակցի կողմից բռնություն գործադրելը, ջարդ կամ հրկիզում իրականացնելը, գույք ոչնչացնելը կամ վնասելը, հրազեն, պայթուցիկ նյութեր կամ պայթուցիկ սարքեր գործադրելը կամ իշխանության ներկայացուցչին զինված դիմադրելը։
Այսօր լրացուցիչ դատալսումներ են, որոնց շրջանակում, ի թիվս այլ հարցերի, քննարկման առարկա պետք է դառնա նաև մեղադրյալի նկատմամբ պատիժ նշանակելու հարցը։
Մանրամասները՝ տեսանյութում։
