31.10.2026 | 22:55
Հայտնաբերվել է զինծառայողի դի. ՊՆ
Արեգնազ Մանուկյանի վայր դրած մանդատը վերցրել է Պետրոս Մեղրյանը
Քաղաքականություն
06.10.2025 | 16:38
ՀՀ կենտրոնական ընտրական հանձնաժողովը այսօր՝ հոկտեմբերի 6-ին, արտահերթ նիստ է հրավիրել ՝ լիազորությունները վաղաժամ դադարած պատգամավորի մանդատը հերթական հաջորդ թեկնածուին փոխանցելու օրակարգով։
«ԿԸՀ-ն սեպտեմբերի 29-ին ստացել է Ազգային Ժողովի պատգամավոր Արեգնազ Մանուկյանի՝ պատգամավորի լիազորությունները դադարած համարելու մասին ԱԺ նախագահի արձանագրությունը։
ԿԸՀ-ն հոկտեմբերի 1-ին ստացել է նաև 2021 թվականի հունիսի 20-ին կայացած Ազգային ժողովի արտահերթ ընտրություններին մասնակցած «Հայաստան» կուսակցություների դաշինքի ընտրական ցուցակում ընդգրկված պատգամավորի թեկնածու Հայկ Հրանտի Խալաթյանի կողմից ինքնաբացարկի և մանդատից հրաժարվելու մասին դիմումը։ Դիմումը վավերացված է եղել նոտարական կարգով, հետևաբար վերջինս չի մասնակցել ԿԸՀ նիստին։
Այսպիսով, «Հայաստան» կուսակցությունների դաշինքի ընտրական ցուցակից ընտրված և լիազորությունները վաղաժամկետ դադարած պատգամավորի մանդատը տրվել է «Հայաստան» կուսակցությունների դաշինքի ընտրական ցուցակի առաջին մասի հերթական հաջորդ թեկնածու Պետրոս Զինավորի Մեղրյանին»,- ասված է հաղորդագրությունում։
Հիշեցնենք, որ Արեգնազ Մանուկյանը մանդատը վայր դնելիս նշել էր, որ իր այդ որոշումը պայմանավորված է այն հանգամանքով, որ անդամակցելու է Անդրանիկ Թևանյանի գլխավորած «Մայր Հայաստանին»։
