11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Հայտնի են ֆիզիոլոգիայի կամ բժշկագիտության ոլորտում Նոբելյան մրցանակի դափնեկիրները
Քաղաքականություն
06.10.2025 | 15:43
Ստոկհոլմում հայտարարել են ֆիզիոլոգիայի կամ բժշկագիտության Նոբելյան մրցանակի դափնեկիրների անունները։ Մրցանակը շնորհվել է Մերի Բրանկովին, Ֆրեդ Ռամսդելին և Շիմոն Սակագուչիին։ Այս մասին հայտնում է X միկրոբլոգում Նոբելյան մրցանակի պաշտոնական էջը։
Նշվում է, որ մրցանակը նրանց է շնորհվել «ծայրամասային իմունային տոլերանտության վերաբերյալ հայտնագործությունների համար»։
Ֆիզիոլոգիայի կամ բժշկագիտության ոլորտում Նոբելյան մրցանակը 2024 թվականին շնորհվել էր Վիկտոր Ամբրոզին և Գարի Ռավկունին՝ «միկրոՌՆԹ-ների հայտնաբերման և գեների արտահայտման հետտրանսկրիպցիոն կարգավորման մեջ դրանց դերի համար»։
Նոբելյան շաբաթը ավանդաբար մեկնարկում է ֆիզիոլոգիայի կամ բժշկագիտության ոլորտում Նոբելյան մրցանակի դափնեկրի անվան հայտարարմամբ: Ֆիզիկայի ոլորտում դափնեկրի անունը կհայտարարվի հոկտեմբերի 7-ին, քիմիայինը՝ հոկտեմբերի 8-ին, գրականության մրցանակակրինը՝ հոկտեմբերի 9-ին, իսկ խաղաղության մրցանակի հաղթողը հայտնի կդառնա հոկտեմբերի 10-ին:
Թարգմանությունը՝ Էմմա Չոբանյանի
