01.11.2026 | 14:06
Կանադայում ՀՀ դեսպանը մասնակցել է Տորոնտոյի «Հայաստան» հիմնադրամի դրամահավաք-ընթրիքին
ՌԴ ՊՆ-ն հայտնել է 250 ԱԹՍ-ի խոցման մասին․ Ղրիմում հարված է հասցվել նավթաբազային․ ՏԵՍԱՆՅՈՒԹ
Քաղաքականություն
06.10.2025 | 11:41
ՌԴ Պաշտպանության նախարարությունը հայտարարել է, որ հոկտեմբերի լույս 6-ի գիշերը ՀՕՊ ուժերը Ռուսաստանում որսացել և ոչնչացրել են ուկրաինական 251 անօդաչու թռչող սարք, գրում է Meduza-ն։
Ռուս զինվորականները հայտարարել են, որ Սև ծովի վրա խոցվել է 61 անօդաչու թռչող սարք, իսկ բռնակցված Ղրիմի վրա՝ 40։ Կուրսկի մարզի վրա ոչնչացվել է 34, Բելգորոդի վրա՝ 30, Նիժնի Նովգորոդի վրա՝ 20 անօդաչու թռչող սարք։ Բելգորոդի մարզային իշխանությունները հայտնել են, որ անօդաչուները հարձակվել են էներգետիկայի օբյեկտների վրա՝ մասամբ անջատելով էլեկտրաէներգիան 24 բնակավայրերում, այդ թվում՝ Բելգորոդ քաղաքում: Անջատումից տուժել է 40,000 մարդ, իսկ հոկտեմբերի 6-ի առավոտյան տարածաշրջանում 5,400 մարդ մնացել է առանց էլեկտրաէներգիայի:
Ռուսական և ուկրաինական տելեգրամ ալիքները հաղորդում են, որ անօդաչու թռչող սարքերը հարձակվել են նաև Բրյանսկի մարզի Կլինցի քաղաքի ջերմաէլեկտրակայանի վրա: Հարվածներ են հասցվել Ղրիմի Թեոդոսիային (հավանական թիրախը նավթամբարն է եղել) և Նիժնի Նովգորոդի մարզի Ձերժինսկին։ Այստեղ էլ թիրախը պայթուցիկ նյութեր արտադրող Սվերդլովի գործարանն է եղել:
Astra-ն, հղում անելով տեղի բնակիչներին, գրում է, որ Թեոդոսիայում նավթի պահեստը, ենթադրաբար, հարձակման է ենթարկվել: Ուկրաինական Supernova+ տելեգրամ ալիքի տվյալներով՝ վնասվել են վառելիքի բաքերը: Крымский ветер տելեգրամ ալիքը, հղում անելով արբանյակային լուսանկարներին, հայտնում է, որ այնտեղ «հրդեհի երկու հզոր օջախ» կա:
Տերմինալն ավելի վաղ նույնպես ենթարկվել է անօդաչու թռչող սարքերի հարձակման: Ըստ «Крымский ветер» տելեգրամ ալիքի՝ նախորդ հարվածներից հետո 34 պահուստարաններից միայն 22-ն են մնացել անվնաս:
Թարգմանությունը՝ Էմմա Չոբանյանի
