16.02.2026 | 19:00
Կաթողիկոսին կարող են ձերբակալել, եթե ՔՊ-ն հաղթի հունիսի 7-ին․ մեղադրանքի առաջադրումը կանխատեսելի էր․ Անի Սամսոնյան․ ՏԵՍԱՆՅՈՒԹ
Սիրիայում իշխանափոխությունից հետո առաջին անգամ խորհրդարանական ընտրություններ են անցկացվում
Քաղաքականություն
05.10.2025 | 18:52
Սիրիայում հոկտեմբերի 5-ին ընթանում են խորհրդարանական ընտրություններ, որոնք առաջին են 2024 թվականի դեկտեմբերի 8-ին նախագահ Բաշար ալ-Ասադի իշխանության հեռացումից հետո։
«Արմենպրես»-ի հաղորդմամբ՝ ինչպես հայտնում է Al Arabiya-ն, խորհրդարանը, որը կծառայի 30 ամիս ժամկետով, որը կարող է երկարաձգվել, կձևավորվի Սահմանադրական հռչակագրում նշված մեխանիզմի հիման վրա, այլ ոչ թե ուղղակի համաժողովրդական ընտրությունների միջոցով։
Այս մեխանիզմի համաձայն, գերագույն կոմիտեի կողմից ձևավորված տարածաշրջանային մարմինները, որոնց անդամները նշանակվում են Սիրիայի նախագահ Ահմեդ ալ-Շարաայի կողմից, ընտրում են խորհրդի 210 անդամներից երկու երրորդին, իսկ մնացած մեկ երրորդը կընտրվի նախագահի կողմից։
Գերագույն ընտրական հանձնաժողովի տվյալներով՝ խորհրդի տեղերի համար պայքարում է 1578 թեկնածու, որոնցից 14%-ը կանայք են։
