19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Սևանա լճում հայտնաբերվել է ապօրինի 423 հատ խեցգետնորսիչ և 43 հատ ձկնորսական ցանց
03.10.2025 | 21:22
ՇՄՆ էկոպարեկային ծառայության Կոտայքի և Գեղարքունիքի մարզային վարչության ««Սևան» ազգային պարկ» տեղամասի աշխատակիցները Սևանա լճում հայտնաբերել են ապօրինի 423 հատ խեցգետնորսիչ և 43 հատ ձկնորսական ցանց։ Այս մասին տեղեկացնում են ՇՄՆ էկոպարեկային ծառայությունից։
Փաստի առթիվ կազմվել է համապատասխան արձանագրություն, 200 հատ խեցգետին բաց է թողնվել լիճ:
Հիշեցնենք, որ Կառավարության 2025 թվականի հունիսի 26-ի N865-Ն որոշմամբ սահմանված է Սևանա լճում ձկան և խեցգետնի արդյունագործական որսի չափաքանակները, ժամկետները, արդյունագործական որսի կազմակերպման պայմաններն ու պահանջները, համաձայն որի 2025 թվականի համար Սևանա լճում խեցգետին կենդանատեսակի արդյունագործական որսի չափաքանակ չի սահմանվել, իսկ սիգի որսն իրականացվում է Սևանա լճի ամբողջ տարածքով, ափից առնվազն 500 մետր հեռավորության վրա։
