11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Արարատը չդարձնե´նք մանիպուլյացիայի առարկա, սիմվոլիկան պետք է պետության սահմանների մեջ լինի. Բաբայան. ՏԵՍԱՆՅՈՒԹ
Հաղորդաշարեր
04.10.2025 | 19:00
«Արվեստի ուսումնասիրության բուն խնդիրը ոչ թե թեման է, այլ մարդը: Պետությունը չպետք է թելադրի թեմաներ: Անկախ ցանկությունից`դա կարող է բերել գրաքննության: Անտաղանդ ձևով ներկայացված խաղաղության թեման կարող է ունենալ հակառակ արդյունք: Նույնիսկ եթե այս հայեցակարգը կյանքի կոչվի, այն դեռ շատ խակ է»,-Factor TV-ի հետ զրույցում նշում է Երևանի ազգային տիկնիկային թատրոնի գեղարվեստական ղեկավար Ռուբեն Բաբայանը` անդրադառնալով կառավարության կողմից քննարկման ներկայացված «Իրական Հայաստանի գեղագիտության տեղորոշման և աջակցության» հայեցակարգը հաստատելու որոշման նախագծին:
Նա չի տեսնում հակասություններ պատմական և իրական Հայաստանի միջև, փոխարենը, ռեժիսորի խոսքով, կան հակասություններ իրական և երևակայական Հայաստանի միջև. «Գոյություն ունի միայն իրական Հայաստան, երևակայականը չպետք է փոխարինի իրական Հայաստանին: Կա մարդ`կա երկիր, պետություն. հողն առանց մարդու գրոշի արժեք չունի»: Ըստ նախագծի`պետության կողմից ֆինանսավորվող ծրագրերը պետք է բացառեն պատերազմի և վրեժի քարոզը, պաթոսն ու վերամբարձությունը. «Իրական արվեստը շատ հեռու է վրեժի քարոզից, պաթոսից: Տաղանդը պաթոսով չի զբաղվում: Նուրբ է սահմանագիծը: Երբ փորձում ես կտրուկ սահմաններ գծել, կարող ես հակառակ արդյունք ստանալ: Խաղաղությունը բարդ պրոցես է, անհրաժեշտություն, որը պետք է առաջին հերթին ձևակերպվի մարդկանց ուղեղներում»:
Մանրամասները`տեսանյութում:
Աննա Բաբաջանյան
