16.02.2026 | 19:00
Կաթողիկոսին կարող են ձերբակալել, եթե ՔՊ-ն հաղթի հունիսի 7-ին․ մեղադրանքի առաջադրումը կանխատեսելի էր․ Անի Սամսոնյան․ ՏԵՍԱՆՅՈՒԹ
1400 տարվա ընթացքում առաջին անգամ Անգլիկան եկեղեցին կին կղեկավարի
Քաղաքականություն
03.10.2025 | 17:31
Սառա Մալալին նշանակվել է Քենթերբերիի արքեպիսկոպոս՝ դառնալով առաջին կինը, որը զբաղեցնում է այս պաշտոնը 1400-ամյա պատմության ընթացքում: Մեծ Բրիտանիայի կառավարությունը Անգլիկան եկեղեցու ղեկավարի նշանակման մասին հայտարարել է հոկտեմբերի 3-ին: Մալալին կդառնա 106-րդ արքեպիսկոպոսը՝ հաջորդելով Ջասթին Ուելբիին, որը հրաժարական է տվել՝ եկեղեցում բռնությունը թաքցնելու շուրջ ծագած սկանդալի պատճառով, գրում է The Insider-ը։
Մալալիի երդմնակալությունը տեղի կունենա 2026 թվականի մարտին Քենթերբերիի տաճարում՝ հունվարին Սուրբ Պողոսի տաճարում նրա ընտրության օրինական հաստատումից հետո: Այս որոշմամբ Մալալին կդառնա նաև աշխարհի շուրջ 85 միլիոն անգլիկան եկեղեցու հոգևոր առաջնորդը:
Մալալիի նշանակումը կարող է սրել լարվածությունը աֆրիկյան երկրների պահպանողական ծխական համայնքների հետ, որտեղ կանանց քահանայությունը հաճախ չի ճանաչվում, ընդգծում է Reuters-ը։
Մալալին 2018 թվականից ղեկավարել է Լոնդոնի թեմը և ծառայել Լորդերի պալատում որպես լորդ-եպիսկոպոս։ Նա հայտնի է որպես եկեղեցում կանանց դերի ընդլայնման և միասեռ զույգերին օրհնություն ստանալու թույլտվության կողմնակից՝ չնայած պահպանում է ամուսնության ավանդական ընկալումը։
Բրիտանիայի վարչապետ Քիր Սթարմերը նշանակումն անվանել է պատմական՝ ասելով, որ անհամբեր սպասում է նոր արքեպիսկոպոսի հետ աշխատելուն։
Թարգմանությունը՝ Էմմա Չոբանյանի
