07.04.2026 | 19:46
Էրդողանը դատապարտել է Իսրայելի հյուպատոսության վրա հարձակումը՝ այն անվանելով «ծրագրված սադրանք»
«Արզնի» ռազմական օդանավակայանում կանցկացվի Ավիամոդելային երրորդ փառատոնը
03.10.2025 | 14:07
ԿԳՄՍ նախարարության նախաձեռնությամբ և Պաշտպանության նախարարության աջակցությամբ հոկտեմբերի 5-ին` ժամը 12:00-ին, «Արզնի» ռազմական օդանավակայանում տեղի կունենա Ավիամոդելային երրորդ փառատոնը:
«Փառատոնի ընթացքում ներկայացվելու է երկու հարթակ՝ թռիչքուղի և ցուցադրական: Թռիչքուղու հարթակում իրենց մոդելներով թռիչքներ են իրականացնելու նախ պրոֆեսիոնալ և սիրողական ավիամոդելավարները, ապա Հայաստանում գործող խմբակները, բուհերը և լաբորատորիաները:
Ցուցադրական հարթակում պատրաստի մոդելներով և ձեռքբերումներով են ներկայանալու անհատ ավիամոդելավարները, ապա նաև գործող խմբակները, բուհերն ու լաբորատորիաները»,- ասված է գերատեսչության տարածած հաղորդագրությունում։
Հայտնում են նաև, որ միջոցառման մուտքն ազատ է: Փառատոնին ներկա գտնվելու համար տրամադրվում է անվճար ավտոբուս, որից օգտվելու համար անհրաժեշտ է պարտադիր լրացնել հայտ՝ հետևյալ հղումով: Ավտոբուսը ժամը 11:00-ին կշարժվի Ստեփան Շահումյանի անվան հրապարակից
