Ալիևը Փաշինյանին պարզաբանում ներկայացրե՞լ է. հարց` ՔՊ-ական պատգամավորին․ ՏԵՍԱՆՅՈՒԹ

«ՀՀ-ն և Ադրբեջանը նույն կերպ են անվանում այն ենթակառուցվածքային ծրագիրը, որն անցնում է Հայաստանի տարածքով։ Իսկ ՀՀ-ի տարածից դուրս այլ նախագծեր, ճանապարհներ, միջանքներ այլ երկրներն ինչպես ցանկանում են թող անվանեն»,- խորհրդարանական ճեպազրույցների ժամանակ այսպես արձագանքեց արտաքին հարաբերությունների մշտական հանձնաժողովի նախագահ Սարգիս Խանդանյանը՝ պատասխանելով հարցին, արդյո՞ք Կոպենհանգենում տեղի ունեցած հանդիպման ժամանակ Ալիևը Փաշինյանին պարզաբանում է ներկացրել, թե ինչ նկատի ունի, երբ գործածում է «Զանգեզուրի միջանցք» տերմինը։

«Մենք գիտենք մեր տարածքով անցնող ենթակառուցվածքների անունները։ Որպես ՀՀ պաշտոնյա ինձ հետաքրքրում է, որ ՀՀ տարածքում բոլոր ենթակառուցվածքները հնչեն այնպես, ինչպես որ դրանք կան։ Փաշինյանի և Ալիևի հանդիպումից հետո կողմերի տարածած հաղորդագրության բովանդակությունն այդ հարցով ինձ լիովին բավարարում է»,- նշեց նա։

Հիշեցնենք, որ ՄԱԿ-ի աբիոնից Նիկոլ Փաշինյանն արձագանքել էր Ալիևի կիրառած «Զանգեզուրի միջանցք» տերմինին՝ հայտարարելով․ «Կոչով դիմում եմ ադրբեջանցի գործընկերոջս, որպեսզի պարզաբանի, քարտեզի վրա ցույց տա, թե ինչ նկատի ունի «Զանգեզուրի միջանցք» ասելով, որտե՞ղ է այդ «Զանգեզուրի միջանցքը», քարտեզի վրա պետք է ցույց տալ այդ «Զանգեզուրի միջանցքը»»։

Իսկ արդեն Երևանում՝ ԱԺ-Կառավարություն հարցուպատասխանի ժամանակ Փաշինյանն իր կարծիքն այսպես էր շարադրել․ «Երբ Ադրբեջանն ասում է՝ «Զանգեզուրի միջանցք», նկատի ունի Հորադիզ-Զանգելան ճանապարհը: Ուզում են ասեն «Զանգեզուրի միջանցք»՝ թող ասեն: Հայաստանի Հանրապետությունում չկա այդպիսի բան, և կարող եմ ապացուցել՝ ոչ միայն իմ, այլև Ադրբեջանի նախագահի ստորագրությունը կա: Կարող են ասել՝ դա միջանցք է, որ տանում է դեպի Զանգեզուր, ասում են, թող ասեն, Հայաստանի մասին չի դա»։

Մանրամասները՝ տեսանյութում։

Մանյա Պողոսյան