12.01.2026 | 11:55
Եթե խելոք չպահեն, ժողովուրդը պետք է ոտքի կանգնի և իրենց տեղը դնի․ Սինանյանը՝ եկեղեցու որոշ ներկայացուցիչների մասին․ ՏԵՍԱՆՅՈՒԹ
Նարեկ Մկրտչյանն ու ԱՄՆ-ում Հունաստանի դեսպանը քննարկել են հայ-հունական հարաբերությունների դինամիկան
Քաղաքականություն
03.10.2025 | 10:54
Հոկտեմբերի 2-ին ԱՄՆ-ում ՀՀ դեսպան Նարեկ Մկրտչյանը հանդիպել է ԱՄՆ-ում Հունաստանի դեսպան Եկատերինի Նասիկայի հետ։ Այս մասին տեղեկացրել է դեսպանատունը:
Նշվում է , որ հանդիպման ընթացքում դեսպանները քննարկել են հայ-հունական հարաբերությունների ներկայիս դինամիկան՝ անդրադառնալով երկկողմ համագործակցության հետագա խորացման հնարավորություններին։
Դեսպանն անդրադարձ է կատարել օգոստոսի 8-ին Վաշինգտոնում ստորագրված Հայաստանի Հանրապետության վարչապետի, Ադրբեջանի Հանրապետության նախագահի և Ամերիկայի Միացյալ Նահանգների նախագահի համատեղ հռչակագրին, ինչպես նաև «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» նախաստորագրված համաձայնագրին` շեշտելով նշյալ փաստաթղթերի կարևորությունը տարածաշրջանային խաղաղության և կայունության հաստատման գործում։
