11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
«Ուրարտու» բասկետբոլային ակումբը ներկայացրել է նոր գլխավոր մարզչին
02.10.2025 | 16:07
«Ուրարտու» բասկետբոլային ակումբը հայտնում է՝ թիմի ղեկը ստանձնել է 31-ամյա սերբ մասնագետ Լուկա Ֆիլիպչևիչը։
Երիտասարդ մասնագետը կարիերայի ընթացքում աշխատել է Լյուքսեմբուրգի «Թելստար Հեսպերանժ» ակումբում, որտեղ կարողացել է թիմին բարձրացնել երկրի երկրորդ ուժեղագույն դիվիզիոն։ 2025 թվականի AfroBasket մրցաշարում մեր նոր մարզիչը եղել է նաև Գվինեայի ազգային հավաքականի մարզչական շտաբում։
«Ինձ համար մեծ պատիվ է միանալ «Ուրարտուին»՝ մի ակումբի, որը վերջին տարիներին լուրջ առաջընթաց է գրանցել և ունի հստակ տեսլական՝ նվաճել չեմպիոնական տիտղոսը և դուրս գալ եվրոպական մրցասպարեզ։ Ես գալիս եմ հստակ նպատակով՝ բարձրացնել խաղի մակարդակը, նպաստել խաղացողների զարգացմանը և կառուցել թիմ, որը կպայքարի տիտղոսների համար։ Սա մարտահրավեր է, որն ինձ ոգեշնչում է, քանի որ վստահ եմ՝ արդեն ստեղծված ամուր հիմքի վրա միասին կարող ենք հասնել ավելի մեծ հաջողությունների»,- մեկնաբանել է իր նշանակումը՝ ասել է Լուկա Ֆիլիպչևիչը։
«Ուրարտու» բասկետբոլային ակումբը բարի գալուստ է մաղթում Լուկա Ֆիլիպչևիչին։ Վստահ ենք, որ նրա փորձը, եռանդն ու աշխատանքային մոտեցումը նոր լիցք կհաղորդեն մեր թիմին և միասին կտոնենք բաղձալի հաղթանակներ։
