01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Կոշտան ու Մակրոնը շնորհավորել են Հայաստանի և Ադրբեջանի ղեկավարներին խաղաղության հասնելու կապակցությամբ
Քաղաքականություն
02.10.2025 | 14:39
Եվրոպական խորհրդի նախագահ Անտոնիո Կոշտան շնորհավորել է Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին ձեռք բերված խաղաղության կապակցությամբ։ Կոշտան այդ մասին ասել է Կոպենհագենում Եվրոպական քաղաքական համայնքի 7-րդ գագաթնաժողովի նիստում։
«Ես ցանկանում եմ շնորհավորել Ադրբեջանի նախագահին (Իլհամ Ալիևին) և Հայաստանի վարչապետին (Նիկոլ Փաշինյանին): Ես կարծում եմ, որ ձեր կողմից ձեռք բերված խաղաղությունը կարևոր պահ է Եվրոպայի համար: Այն ցույց է տալիս, որ խաղաղություն կարելի է կառուցել, և մենք պետք է շարունակենք աշխատել դրա համար»,- նշել է Կոշտան:
Ֆրանսիայի նախագահ Էմանուել Մակրոնը նույնպես շնորհավորել է երկու երկրների ղեկավարներին։ Մակրոնը նշել է, որ Հայաստանի և Ադրբեջանի միջև խաղաղության հռչակագրի ստորագրումը նշանակալի նվաճում է։
«Մեր ուշադրությունը կենտրոնացած է Հարավային Կովկասում և Արևմտյան Բալկաններում տեղի ունեցող իրադարձությունների վրա»,- ասել է Ֆրանսիայի նախագահը։
Թարգմանությունը՝ Էմմա Չոբանյանի
