08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ոստիկանները չկատարեցին իրենց գործառույթը. Իրավապաշտպանը` «Սասնա ծռերի»-ի աջակիցների երթին ոստիկանության բացակայության մասին
18.07.2017 | 18:33
ՀՀ ոստիկանության պարտավորությունն է ապահովել հավաքների անվտանգությունը, սակայն ֆորմալ առումով ոստիկանները չկատարեցին իրենց գործառույթը:
Այս մասին Factor.am-ի հետ զրույցում ասաց Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցն՝ անդրադառնալով երեկ Ազատության հրապարակում «Սասնա ծռեր» խմբի աջակիցների կազմակերպած հավաք-երթին, որն ընթացավ առանց ոստիկանության ներկայացուցիչների:
Հիշեցնենք, որ երեկ լրացավ ՊՊԾ գնդի գրավման մեկ տարին, որի կապակցությամբ խմբի աջակիցները անցկացրեցին հավաք-երթ: Երթի մասնակիցների անվտանգությունը, սակայն, չապահովվեց ոստիկանության աշխատակիցների կողմից:
«Գուցե այդպես փորձեցին զերծ մնալ երթի մասնակիցների և ոստիկանների միջև հնարավոր ընդհարումներից, որովհետև ուղիղ մեկ տարի առաջ այդ օրն էին տեղի ունեցել ՊՊԾ գնդի իրադարձությունները, ոստիկաններ էին մահացել»,- կարծիք հայտնեց Արթուր Սաքունցը: Այնուամենայնիվ, իրավապաշտպանն արձանագրեց՝ մոտ 500 հոգուց բաղկացած երթն անցավ առանց ընդհարումների և խաղաղ:
Ի դեպ, հարցի առնչությամբ Factor.am-ը փորձեց պարզաբանում ստանալ նաև ՀՀ ոստիկանությունից, սակայն կառույցի լրատվական ծառայությունից նախ ասացին՝ մի փոքր ուշ զանգահարենք, ապա ավելի ուշ մեզ հորդորեցին գրավոր հարցում ուղարկել: Մանրամասները՝ տեսանյութում:
Շողիկ Գալստյան
