01.11.2026 | 14:06
Կանադայում ՀՀ դեսպանը մասնակցել է Տորոնտոյի «Հայաստան» հիմնադրամի դրամահավաք-ընթրիքին
Բաքուն ԱՊՀ խաղերի բացման միջոցառումն օգտագործել է՝ հակահայկական տարրերով շոու բեմադրելու համար․ ՏԵՍԱՆՅՈՒԹ
Քաղաքականություն
29.09.2025 | 14:13
Ադրբեջանում Գյանջա քաղաքի մարզադաշտում նախօրեին տեղի է ունեցել ԱՊՀ 3-րդ խաղերի բացման արարողությունը, որին մասնակցել են երկրի նախագահ Իլհամ Ալիևն ու նրա կինը՝ Մեհրիբան Ալիևան։
Բաքուն սպորտային միջոցառումը քաղաքականացրել է՝ այն վերածելով հակահայկական տարրերով համեմված շոուի։ Մասնավորապես, ըստ ադրբեջանական լրատվամիջոցների, թատերական ներկայացման մի մասը նվիրված է եղել Ադրբեջանի կողմից Արցախի դեմ սանձազերծված 44-օրյա պատերազմին ու դրանում հաղթանակին։ Ներկայացվել է Ալիևի «բռունցքը» խորհրդանշող «Երկաթե բռունցքի» արձանը՝ որպես 44-օրյա պատերազմում Ադրբեջանի հաղթանակի խորհրդանիշ, ցուցադրվել է 44 թիվը։
Այս խաղերին մասնակցում են ԱՊՀ երկրների՝ Ռուսաստանի, Ադրբեջանի, Բելառուսի, Ուզբեկստանի, Ղազախստանի, Տաջիկստանի, Ղրղզստանի, Թուրքմենստանի, ինչպես նաև Թուրքիայի, Պակիստանի, Օմանի, Կուբայի և Քուվեյթի մարզական պատվիրակությունները։
Հավելենք, որ Հայաստանը նույնպես ԱՊՀ անդամ է, սակայն չի մասնակցում միջոցառմանը։
Թարգմանությունը՝ Էմմա Չոբանյանի
