18.02.2026 | 23:28
Ստեփանծմինդա-Լարս ավտոճանապարհը փակ է
Քանի երեխա է որդեգրվել Հայաստանում
Հասարակություն
29.09.2025 | 13:10
Վերջին 10 տարում Հայաստանում մոտ քառակի նվազել է որդեգրման ենթակա հաշվառված երեխաների թիվը։ Նույնքան էլ պակասել է որդեգրված երեխաների թիվը։
Ըստ Վիճակագրական կոմիտեի տվյալների՝ անցած տարի մեր երկրում որդեգրվել է 24 երեխա, որից 5-ը՝ առողջական խնդիրներով։ Կենտրոնացած հաշվառման վերցված որդեգրման ենթակա երեխաների թիվը եղել է 39։ Նրանց մեծ մասը՝ 24 երեխա, 6 ամսականից 6 տարեկան են եղել։
Կոմիտեն նշում է, որ կենտրոնացված հաշվառման վերցված որդեգրված երեխաների թիվը կարող է չհամապատասխանել կենտրոնացված հաշվառման վերցված որդեգրման ենթակա երեխաների թվաքանակին, քանի որ հաշվետու ժամանակաշրջանում որդեգրված երեխան, որպես որդեգրման ենթակա երեխա, կարող է հաշվառված լինել նախորդ կիսամյակում կամ նախորդ տարում: Երեխան համարվում է որդեգրված՝ որդեգրման մասին որոշման ամսաթվի պահից:
2024 թվականին որդեգրողների թիվը եղել է 103, որից 12-ը՝ արտերկրում կամ ՀՀ-ում բնակվող օտարերկրյա քաղաքացիներ։
