05.06.2026 | 00:02
Փաշինյանին և Թաթոյանին զրկեցին խոսքի իրավունքից. ՏԵՍԱՆՅՈՒԹ
ԼՂ-ից տեղահանվածների ուսման վարձի փոխհատուցման քաղաքականությունը կշարունակվի. Ժաննա Անդրեասյան․ ՏԵՍԱՆՅՈՒԹ
Հասարակություն
27.08.2025 | 15:50
ԼՂ-ից տեղահանվածների ուսման վարձի փոխհատուցման քաղաքականությունը կշարունակվի, այս մասին ասուլիսի ժամանակ տեղեկացրեց ԿԳՄՍ նախարար Ժաննա Անդրեասյանը՝ նշելով, որ առաջիկա օրերին արդեն կլինի Կառավարության համապատասխան որոշումը։
Ըստ նախարարի՝ շուրջ 240 ուսանող ուսման վարձի փոխհատուցում կստանա։
«Վերջին շրջանում մեզ հաճախ են դիմում Լեռնային Ղարաբաղից տեղահանված ընտանիքներ՝ նշելով, որ պետությունը նախորդ տարի ունեցավ որոշում, այն է՝ ուսման վարձի փոխհատուցման համար կրթարթոշակ տրամադրվեց 1-ին կուրս ընդունվածներին։ Քաղաքականությունը կշարունակվի, այսինքն՝ բոլոր նրանք, ովքեր ընդունվել են առաջին կուրս, նրանք, ովքեր ընդունվել են ՄԿՈՒ համակարգ (վճարովի ընդունվելու մասին է խոսքը), կստանան կրթաթոշակ ուսման վարձի փոխհատուցման համար»,- մանրամասնեց նախարարը։
Ավելի վաղ հայտնել էինք, որ Մի շարք ՀԿ-ներ համատեղ հայտարարություն էին տարածել Լեռնային Ղարաբաղից բռնի տեղահանված ուսանողների կրթության աջակցության վերաբերյալ՝ մասնավորապես շեշտելով, որ Կառավարության նախաձեռնած ծրագրով աջակցություն էին ստանում մինչև 2024-2025 ուսումնական տարի ընդունված ուսանողները, իսկ 2025-26 թթ․ ուստարում բուհեր ընդունված ուսանողները զրկված են աջակցության նման հնարավորությունից։
Մանրամասները՝ տեսանյութում։
Մանյա Պողոսյան
