05.12.2025 | 20:45
Կեղծ ԱԱԾ-ականներ, AI-ով գեներացված ձայն․ կիբերզեղծարարները հասել են պաշտոնյաներին. ՏԵՍԱՆՅՈՒԹ
Կոջոյանի անվան կրթահամալիրի տնօրենը նախազգուշացվել է, թող իր գործով զբաղվի. Անդրեասյան․ ՏԵՍԱՆՅՈՒԹ
Հասարակություն
27.08.2025 | 15:31
Հակոբ Կոջոյանի անվան կրթահամալիրի տնօրենը նախազգուշացում է ստացել, թող զբաղվի իր գործով, այսօրվա ասուլիսի ժամանակ հայտարարեց ԿԳՄՍ նախարար Ժաննա Անդրեասյանը՝ պատասխանելով Factor TV-ի դիտարկմանը, թե Կրթության մասին օրենքում ամրագրված է, որ ուսումնասկան հաստատություններում քաղաքական գործունեությունն արգելված է, բայց Հակոբ Կոջոյանի անվան կրթահամալիրի տնօրենը կիսվել էր վարչապետի՝ «Վեհարանը կաթողիկոսից ազատելու մասին գրառմամբ»։
«Երևանի քաղաքապատետարանը պարզաբանել է, որ իրենք արել են համապատասխան ուսումնասիրություն և օրենքի հետ հակասություն չեն հայտնաբերել, նաև նախազգուշացրել են տնօրենին։ Նույնիսկ եթե որևէ բան իրավական հարթության մեջ կարող է այսպես մեկնաբանվել կամ այսպես չմեկնաբանվել, դա պետք չի անել։ Եվ ես կարծում եմ՝ դրա կարիքն ընդհանրապես չկա։ Հորդորում եմ մեր բոլոր տնօրեններին՝ զբաղվել իրենց գործով։ Ես ասում եմ՝ մեր տնօրեններից պահանջվում է զբաղվել իրենց գործով, այլ բան չունեմ ասելու»,- նշեց նա։
Նախարարի խոսքով՝ ուսումնական հաստատություններում քաղաքական ու կրոնական գործունեությունն արգելված է։ Իսկ առաջիկա խորհրդարանական ընտրություննեին նախաընտրական գործընթացներին ընդառաջ Ժաննա Անդրեասյանը նախազգուշացրեց դպրոցների տնօրեններին՝ չներգրավվել դրանցում։
«Հաշվի առնելով, որ առաջիկայում մեզ սպասվում են ընտրություններ, այս առիթն օգտագործելով՝ ուզում եմ հայտարարել, որ կրթության ոլորտի մարդիկ պետք է կրթական հաստատություններում զբաղվեն կրթության գործընթացով, և ցանկացած բան, որը խաթարելու է այս տրամաբանությունը, ստանալու է շատ խիստ հակազդեցություն, ընդհուպ մինչև այդ մարդկանց ազատումը», -զգուշացրեց ԿԳՄՍ նախարարը։
Մանրամասները՝ տեսանյութում։
Մանյա Պողոսյան
