Թել Ավիվում բազմահազարանոց հանրահավաք է անցկացվել Գազայի հատվածում պատերազմը դադարեցնելու համար

Թել Ավիվի կենտրոնում օգոստոսի 16-ի երեկոյան բազմահազարանոց հանրահավաք է տեղի ունեցել Գազայի հատվածում պատերազմը դադարեցնելու և իսրայելցի պատանդներին ազատ արձակելու մասին համաձայնագրի կնքման համար: DW-ի փոխանցմամբ՝ ակցիաներ են տեղի ունեցել նաև Հայֆայում, Երուսաղեմում և Բեեր Շևայում: Իսրայելի գնահատականներով՝ ողջ մնացած գերիներից բացի, ՀԱՄԱՍ ահաբեկչական շարժումը Գազայի հատվածից չի վերադարձնում ևս 30 մարմին:

Պատանդների ազգականների միավորումը զանգվածային գործադուլ է հայտարարել օգոստոսի 17-ին՝ հրեական օրացույցի աշխատանքային օրը։

«Վաղը Մենք կկանգնեցնենք երկիրը։ Եվ մենք կանգ չենք առնի, չենք սպասի, մինչև Նեթանյահուն վերջ դնի պատերազմին։ Մենք կվերցնենք այն, ինչ մեզ է պատկանում»,- հայտարարել է Էյնավ Զանգաուկերը, որի որդին՝ Մատանը, Գազայի հատվածում 20 պատանդներից մեկն է:

Իսրայելական խոշորագույն արհմիությունը՝ Histadrut-ը, չի աջակցել ծրագրվող գործադուլին։

Իսրայելի վարչապետ Բենիամին Նեթանյահուն, իր հերթին, մտադիր չէ ավարտել պատերազմը, քանի դեռ նրա բոլոր պահանջները չեն կատարվել, գրում է The Times of Israel-ը:

Գազայի հատվածի ցամաքային գործողության և ռմբակոծության ընթացքում տասնյակ հազարավոր մարդիկ են զոհվել: Միջազգային կազմակերպությունները նախազգուշացնում են Գազայի հատվածում զանգվածային սովի մասին և կոչ են անում ապահովել մարդասիրական օգնության հասանելիությունը: Օգոստոսի 1-ից Գազայի հատված օգնություն են թափում Գերմանիան և եվրոպական այլ երկրներ։

Թել Ավիվում օգոստոսի 9-ին ևս հազարավոր մարդիկ դուրս էին եկել փողոց՝ բողոքելով Իսրայելի վարչապետ Բենիամին Նեթանյահուի պլանի դեմ, որը նախատեսում է ընդլայնել Իսրայելի պաշտպանության բանակի (ՑԱՀԱԼ) ռազմական գործողությունները Գազայի հատվածում և օպերացիայի ընթացքում վերահսկողության տակ վերցնել Գազա քաղաքը։