06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ռուսական զորքերը 72 ԱԹՍ-ով հարվածել են Ուկրաինային․ Զապորոժիեում և Դնեպրոպետրովսկում զոհեր և վիրավորներ կան
Քաղաքականություն
01.08.2025 | 12:44
Օգոստոսի լույս 1-ի գիշերը ռուսական զորքերը 72 «Շահեդ» տիպի անօդաչու թռչող սարքով և անօդաչու թռչող սարքերի իմիտատորներով հարվածել են Ուկրաինային, գրում է Current time-ը։
Ուկրաինայի ռազմաօդային ուժերի հրամանատարության հաղորդմամբ՝ նախնական տվյալներով՝ երկրի հյուսիսում, հարավում, արևելքում և կենտրոնում ՀՕՊ համակարգերի կողմից խոցվել կամ ճնշվել է 44 անօդաչու թռչող սարք, 28 անօդաչուի հարվածներ են գրանցվել ինը վայրերում։ Հարձակման են ենթարկվել Խարկովի, Դոնեցկի, Դնեպրոպետրովսկի և Կիևի մարզերը։
Դնեպրոպետրովսկի Սինելնիկովսկի շրջանում, ըստ Արտակարգ իրավիճակների պետական ծառայության, հարվածի հետևանքով հրդեհ է բռնկվել երկու ֆերմայում, լիցեյի շենքում, փոստատանը և մասնավոր տներից մեկի տարածքում։ Վիրավորվել է 35-ամյա կին։
Պոկրովսկ համայնքում վնասվել է մասնավոր տուն, վիրավորվել է երկու երեխա։ Զապորոժիեի շրջանում էլ երկու մարդ մահացել է, ևս չորսը՝ վիրավորվել։ Զապորոժիեի մարզային ռազմական վարչակազմի ղեկավար Իվան Ֆյոդորովի խոսքով՝ վիրավորների թվում կան 6-ամյա աղջիկ և 77-ամյա կին։
