28.06.2026 | 03:11
ԱԱ-2026. Անգլիան ու Խորվաթիան հաղթեցին և կխաղան փլեյ-օֆֆում. ՏԵՍԱՆՅՈՒԹ
Ինքնաձիգը հայտնաբերվել է ավտոտնակի առաստաղի թաքստոցում
01.08.2025 | 11:37
Քրեական ոստիկանության թմրամիջոցների անօրինական շրջանառության դեմ պայքարի վարչության ծառայողները ստացել էին հավաստի օպերատիվ տեղեկություն, որ Չարենցավանի բնակիչ 38-ամյա մի տղամարդ համաքաղաքացու միջոցով ցանկանում է ձեռք բերել «Կալաշնիկովի» ինքնաձիգ: Այս մասին հաղորդում են ՆԳՆ ոստիկանությունից։
«Տեղեկությունը ստուգվել է, հաստատվել, և Չարենցավանի քննչական բաժնում նախաձեռնվել քրեական վարույթ: Հուլիսի 28-ին քննչական բաժնի ծառայողների, Կոտայքի մարզի քրեական և Չարենցավանի համայնքային ոստիկանների համատեղ խուզարկություն կատարվեց 38-ամյա տղամարդու ավտոտնակում:
Առանձնացված հատվածի առաստաղի թաքստոցում հայտնաբերվեց «Կալաշնիկովի» ինքնաձիգ, երկու փամփշտատուփ` լիցքավորված 34 փամփուշտով, նաև` մեթամֆետամինի նմանվող հետքերով երկու գլանակ ու վարորդական իրավունքի կեղծ վկայական: Խուզարկությանը ներգրավվել են նաև տեղի փրկարարները՝ ավտոտնակի դուռը բացելու համար։ Չարենցավանցի տղամարդը ձերբակալվել է, նախաքննությամբ հանգամանքները պարզվում են»,- գրված է հաղորդագրության մեջ:
