14.11.2024 | 10:13
Իրանցի փորձագետները բարձր են գնահատել ԶՊՄԿ-ի տեխնիկական ու անվտանգային չափանիշները՝ հերքելով ադրբեջանական կեղծ թեզերը
«Եթե խաղաղ ընդվզման քայլերը բռնի միջոցներով ճզմվում են, քաղաքացուն մնում է բռնության դեմ բռնությամբ հանդես գալ». Ենգոմշյան
Քաղաքականություն
17.07.2017 | 21:27
«Եթե խաղաղ ընդվզման քայլերը բռնի միջոցներով ճզմվում են, քաղաքացուն մնում է բռնության դեմ բռնությամբ հանդես գալ». այս մասին ի պաշտպանություն «Սասնա ծռեր» խմբի Ազատության հրապարակում մեկնարկած հանրահավաք-երթի ժամանակ լրագրողների հետ զրույցում ասաց «Հիմնադիր խորհրդարանի» անդամ Ալեք Ենիգոմշյանը։
Հիշեցնենք, որ նախորդ տարվա դեպքերից հետո անազատության մեջ էր հայտնվել նաև Ենիգոմշյանը։ Ալեք Ենիգոմշյանի խոսքով՝ հուլիսի 17-ից հետո ստեղծված ջրբաժանն այսօր ևս առկա է: «ՀՀ-ում չկա մի քաղաքական ուժ, որը հոդաբաշխ ձևով կարող է ներկայացնել այս վարչախումբը հեռացնելու այլ միջոց»,- ասաց նա։
Անդրադառնալով հարցին, թե ի վերջո խմբի անդամներն ապստամբնե՞ր էին` Ենիգոմշյանն ասաց․ «Եթե կա ժողովրդի ծոցից ելած իշխանություն, ու դու զենք ես բարձրացնում այդ իշխանության վրա, ապա դա անընդունելի է
.ՀՀ-ում չկա ՀՀ քաղաքացիների իշխանություն»։
Ինչ վերաբերում է գունդը գրավելու և դրա հետագա գործողություների հետևանքով սպանված երեք ոստիկաններին, ապա Ենիգոմշյանն ասաց, որ գունդը գրավելու ժամանակ սպանվել է միայն մեկ ոստիկան․ «Ցավոք, գնդապետ Վանոյանը մահացել է գունդը գրավելու ժամանակ, իսկ մյուս երկու ոստիկանների մահը պետք է ապացուցվի, թե ինչ պայմաններում են կյանքը կորցրել, այդ մեղադրանքները դեռևս պետք է ապացուցվեն․ այս պահին մյուս երկու ոստիկանները «Սասնա ծռերի» զոհերը չեն»։
