Բանակի և եկեղեցու վարկանիշն աճել է, ոստիկանությանը՝ նվազել

ՀՀ քաղաքացիների 72%-ը լիովին և ավելի շուտ գոհ է Զինված ուժերի աշխատանքից, 58%-ը՝ Հայ առաքելական եկեղեցու, 56%-ը՝ մարզպետարանների աշխատանքներից։ Այս տվյալներն ամփոփված են ՀՀ-ում իրականացված հանրային կարծիքի ուսումնասիրության արդյունքների մեջ։  Հետազոտությունն իրականացվել է իրականացվել ԲՐԵՎԻՍ ընկերության կողմից  Միջազգային հանրապետական ինստիտուտի նախաձեռնությամբ։

Հարցվածների 38%-ը լիովին և ավելի շուտ գոհ է Վարչապետի աշխատակազմի աշխատանքից։ Դատարաններից հարցվածների  31%-ն է գոհ, իսկ Ազգային ժողովից ընդամենը 24%-ը։

2024 թվականի սեպտեմբերին արված հարցման համեմատ՝ Հայ առաքելական եկեղեցին այս ցուցակում իր դիրքը բարելավել է 10%-ով,  ոստիկանությունը նահանջել 3 %-ով։

Հետազոտության ընտրանքը կազմված է 18 տարին լրացած 1,505 ՀՀ քաղաքացիներից և Լեռնային Ղարաբաղից բռնի տեղահանված ԼՂ նախկին բնակիչներից, ովքեր այժմ բնակվում են Հայաստանում (որոնք կարող են լինել կամ չլինել քաղաքացիներ)։ Այն քաղաքացիները, ովքեր ապրել են Հայաստանում ավելի քիչ, քան 6 ամիս, չեն ներառվել ընտրանքում։ Ընտրանքը ներկայացուցչական է բջջային հեռախոս օգտագործող չափահաս բնակչության համար, որը չի ներառում չափահաս բնակչության մոտ 1.7%-ը։ Ստացված ընտրանքը կշռվել է ըստ տարիքի, սեռի և բնակավայրի տիպի՝ ըստ Ազգային վիճակագրական ծառայության 2023 թվականի տվյալների։ Այս հարցման արդյունքում բարձրագույն կրթությամբ հարցվողների մասնաբաժինն ընտրանքում ավելին էր՝ համեմատած ՄՀԻ այլ հետազոտությունների։ Ընտրանքում կրթական մակարդակը նախորդ հետազոտություններին և պաշտոնական վիճակագրությանը համապատասխանեցնելու համար ավելացվել է կրթության կշռի գործոն։ Կրթության կշռի նպատակային ցուցանիշը հաշվարկվել է՝ հիմք ընդունելով 2022 թվականի մարդահամարի տվյալների (18 և բարձր տարիքի անձանց համար) և հարցված ընտրանքի կրթական մակարդակի միջինը։ Հարցմանը մասնակցելու ցուցանիշը 25% է։

Անի Թամրազյան