29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Պետք է ասել՝ ով է Խորխոռունու սպանության պատվիրատուն․ Անդրանիկ Քոչարյան. ՏԵՍԱՆՅՈՒԹ
Քաղաքականություն
21.07.2025 | 17:27
ԱԺ պաշտպանության և անվտանգության հարցերի հանձնաժողովի նախագահ, ՔՊ-ական պատգամավոր Անդրանիկ Քոչարյանը Factor TV-ի հետ զրույցում անդրադառնալով պաշտպանության փոխնախարար Վահրամ Խորխոռունու սպանության բացահայտման մասին ՔԿ-ի հաղորդագրությանը, պնդում է՝ սպանությունը տեղի ունեցավ ինչ-ինչ քաղաքական իրողություններից հետո։ Նա կարծում է, որ ժամանակն է հնչեն նաև անուններ՝ ով կամ ովքեր են այդ հանցագործության պատվիրատուն։
Ըստ հաղորդագրության՝ ՔԿ-ի և Ազգային անվտանգության ծառայության աշխատակիցների միջոցառումների արդյունքում պարզվել է, որ Խորխոռունու սպանությունը կատարել են Ս.Ա.-ն, Հ.Ն.-ն և Ա.Ա.-ն՝ շահադիտական դրդումներով: Factor TV-ն պարզել էր, որ սպանության գործով անցնող անձիք են՝ Արթուր Առաքելյան, Սասուն Առուշանյան, Հրայր Նարիմանյան, Արայիկ Նարիմանյան։ Վերջին երկուսը եղբայրներ են։ Ս.Ա.-ն հանդիսանալով զինծառայող, նպատակադրվել է շահադիտական շարժառիթով կազմակերպել ՀՀ պաշտպանության նախկին փոխնախարար Վահրամ Խորխոռունու սպանությունը: 1998 թվականի նոյեմբեր-դեկտեմբեր ամիսներին այդ կապակցությամբ Ս.Ա.-ն պայմանավորվածություններ է ձեռք բերել Լեռնային Ղարաբաղի բնակիչներ Հ.Ն.-ի և Ա.Ա.-ի հետ և սպանություն կատարելու համար նրանց առաջարկել է համապատասխանաբար 10 հզր ԱՄՆ դոլար և 15 հզր ԱՄՆ դոլար գումար»,- ասվում է Քննչական կոմիտեի հաղորդագրությունում։
Վահրամ Խորխոռունին սպանվել էր 1998 թվականի դեկտեմբերին՝ Երևանում, իր բնակարանի մուտքի մոտ։
Հիշեցնենք՝ Վահան Խորխոռունին Հայաստանի և Արցախի ուժային կառույցներում մի շարք բարձր պաշտոններ է զբաղեցրել․ 1993-1994 թվականներին եղել է ԼՂՀ ներքին գործերի փոխնախարար, 1994-1997 թվականներին՝ ՀՀ ՊՆ ռազմական ոստիկանության վարչության պետ, 1997–1998-ին՝ ՀՀ պաշտպանության փոխնախարար։
Մանրամասները՝ տեսանյութում։
Նարեկ Կիրակոսյան
