Քաղաքականություն
18.07.2025 | 19:19
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ։
Թուրքիայի նախագահականի հաղորդակցության բաժնի հաղորդմամբ` զրույցի ընթացքում քննարկվել են Թուրքիայի և Ռուսաստանի միջև երկկողմ հարաբերությունները, ինչպես նաև տարածաշրջանային և համաշխարհային հարցեր։
Էրդողանը հայտարարել է, որ սիրիական անվտանգության ուժերի Սուեյդայից դուրսբերմանը հաջորդած բախումները սպառնալիք են ներկայացնում ամբողջ տարածաշրջանի համար, և որ Իսրայելի համար կարևոր է չխախտել Սիրիայի ինքնիշխանությունը։
Նա նշել է, որ Թուրքիան նպատակ ունի ապահովել կայունություն և անվտանգություն Սիրիայում և օգնել երկրին հնարավորինս արագ վերականգնվել։
«Նախագահ Էրդողանը հայտարարել է, որ Ռուսաստանի և Ուկրաինայի միջև բանակցությունների երրորդ փուլի մեկնարկը կարևոր է, և որ Թուրքիան կշարունակի հյուրընկալել բանակցությունները Ստամբուլում, երբ կողմերի համար հարմար ամսաթվեր որոշվեն», – ասվում է հաղորդագրության մեջ։
Ռուսական կողմը զրույցի վերաբերյալ դեռևս հաղորդագրություն չի հրապարակել։
Թարգմանությունը`Էմմա Չոբանյանի
