06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Եկատերինբուրգում ադրբեջանական սփյուռքի ղեկավար Շահին Շիխլինսկիի նկատմամբ հետախուզում է հայտարարվել
Քաղաքականություն
18.07.2025 | 10:36
Եկատերինբուրգի ադրբեջանական սփյուռքի ղեկավար Շահին Շիխլինսկիի նկատմամբ հետախուզում է հայտարարվել։ Այս մասին հայտնում են ադրբեջանական լրատվամիջոցները՝վկայակոչելով ռուսական աղբյուրներին։
Նա հետախուզվում է պետական պաշտոնյայի նկատմամբ բռնություն գործադրելու գործով, որում մեղադրվում է նրա որդին՝ Մուտվալի Շիխլինսկին։ Նշվում է, որ Մուտվալիին ուժային ծառայության աշխատակցի նկատմամբ բռնություն գործադրելու համար քննչական մեկուսարան ուղարկելուց հետո Շահինն անհետացել է, նա չի պատասխանում զանգերին։
Ըստ որոշ աղբյուրների՝ Շիխլինսկին, ենթադրաբար, կարող է թաքնվել Մոսկվայում Ադրբեջանի դեսպանատան շենքում գտնվող հյուրանոցում։
Հիշեցնենք, որ ավելի վաղ Եկատերինբուրգի Լենինսկի շրջանային դատարանը երկու ամսով կալանավորել էր Մուտվալի Շիխլինսկիին։ Հուլիսի 1-ին հոր՝ Շահին Շիխլինսկիի ձերբակալության ժամանակ նա մեքենայով վրաերթի էր ենթարկել հատուկ նշանակության ուժերի աշխատակիցներից մեկին։ Նա ձերբակալվել, ապա ազատ էր արձակվել։
Թարգմանությունը՝ Էմմա Չոբանյանի
