12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Զախարովան անդրադարձել է ԵՄ-ի կողմից Հայաստանին 2,5 մլրդ եվրոյի հատկացմանը
Քաղաքականություն
17.07.2025 | 20:21
ԵՄ-ի կողմից Հայաստանին ֆինանսավորման ավելացման խոստումը ստրկացման դասական օրինակ է։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով հարցին, որ ԵՄ-ն պատրաստ է Հայաստանում ներդնել առնվազն 2,5 մլրդ եվրո դիմակայնության ու տնտեսական նախաձեռնություններում ընդգրկելու համար (որի մասին հայտարարել են Եվրահանձնաժողովի նախագահ Ուրսուլա ֆոն դեր Լեյենն ու Եվրոպական խորհրդի նախագահ Անտոնիո Կոշտան)։
«Երևի խոսքն այն գումարների մասին է, որոնք Բրյսուսելը մի անգամ չէ, որ խոստացել է տրամադրել Երևանին, հայ ժողովրդին։ Ինչպե՞ս է այս խոստումնը իրականացվում, պետք է հարցնել Երևանում, ստացե՞լ են նրանք այդ գումարները, թե՞ ոչ։ Մենք չենք պատրաստվում գրպաններին նայել։ Դա նրանց հարաբերություններն են եվրաինստոտւտների հետ։ Դա ժանրի դասական օրինակ է Եվրահանձնաժողովի, ԵՄ-ի և ՆԱՏՕ-ի համար՝ տալ առատաձեռն խոստումներ, ապա այդ ֆինանսական խոստումների սոուսի տակ ստրկացնել գործընթացներին՝ ստանալով օգուտներ»,- ասել է Զախարովան։
Նա ասել է, թե, իբր, ԵՄ-ի մանիպուլյացիներից է՝ խոստանալ մի գումար, տալ երկու անգամ պակաս, կամ ոչինչ չտալ։
Ըստ ՌԴ ԱԳՆ պաշտոնական ներկայացուցչի՝ տնտեսական օգնությունը վաղուց դարձել է ԵՄ-ի համար լծակ՝ ազդելու երրորդ երկրների քաղաքականության վրա, միջամտելու նրանց ներքին գործերին։
Հիշեցնենք, որ Բրյուսելում ՀՀ վարչապետ Նիկոլ Փաշինյանի, Եվրահանձնաժողովի նախագահ Ուրսուլա ֆոն դեր Լեյենի ու Եվրոպական խորհրդի նախագահ Անտոնիո Կոշտայի եռակողմ հանդիպման արդյունքներով ԵՄ-ն վերահաստատել էր իր ամուր հանձնառությունը՝ աջակցելու Հայաստանի դիմակայունությանը և երկարաժամկետ զարգացմանը՝ էական ֆինանսական և տեխնիկական օգնության միջոցով: «Գլոբալ դարպաս»՝ The Global Gateway ռազմավարության շրջանակում ԵՄ ներդրումները Հայաստանում ակնկալվում է հասցնել 2,5 միլիարդ եվրոյի՝ խթանելով ներառական աճը և կապակցվածությունը։
Թարգմանությունը՝ Էմմա Չոբանյանի
