21.02.2026 | 14:10
Այրվել է խոտածածկույթ․ հրշեջ-փրկարարներին հաջողվել է կանխել հրդեհի տարածումը
Իրանի և ՌԴ-ի ԱԳ նախարարները Չինաստանում բանակցություններ են անցկացրել
Քաղաքականություն
15.07.2025 | 16:25
Իրանի արտաքին գործերի նախարար Սեյեդ Աբբաս Արաղչին և նրա ռուս գործընկեր Սերգեյ Լավրովը բանակցություններ են անցկացրել Շանհայի համագործակցության կազմակերպության անդամ պետությունների ԱԳ նախարարների խորհրդի նիստի շրջանակում՝ Չինաստանի Տյանցզին նավահանգստային քաղաքում, հաղորդում է իրանական Mehr գործակալությունը։
Սերգեյ Լավրովը և Աբբաս Արաղչին պայմանավորվել են Մոսկվայի և Թեհրանի միջև տարբեր մակարդակներում նոր շփումների վերաբերյալ։ Այս մասին էլ հայտնել է ՌԴ ԱԳՆ-ն։
«Նախարարները պայմանավորվել են տարբեր մակարդակներում առաջիկա շփումների վերաբերյալ»,- ասվում է հայտարարության մեջ։
Նշվում է, որ դիվանագիտական գերատեսչությունների ղեկավարները նաև ընդգծել են Իրանի միջուկային ծրագրի շուրջ ճգնաժամը բացառապես քաղաքական և դիվանագիտական միջոցներով լուծելու կարևորությունը։
«Կողմերը շարունակել են մտքեր փոխանակել փոխադարձ հետաքրքրություն ներկայացնող տարածաշրջանային և միջազգային օրակարգի հարցերի շուրջ։ Մեկ անգամ ևս ընդգծվել է Իրանի միջուկային ծրագրի շուրջ ճգնաժամը բացառապես քաղաքական և դիվանագիտական միջոցներով՝ միջազգային իրավունքին համապատասխան լուծելու կարևորությունը»,- հավելել է ՌԴ ԱԳՆ-ն։
Թարգմանությունը՝ Էմմա Չոբանյանի
