16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
Բաքվում Արցախի ղեկավարների շինծու գործերով նիստում հերթական «տուժողներն» են ցուցմունքներ տալիս
Քաղաքականություն
14.07.2025 | 19:52
Բաքվի զինվորական դատարանում ընթանում է Արցախի ղեկավարների ու տարբեր պաշտոնյաների նկատմամբ հարուցված շինծու գործերով հերթական դատական նիստը, որը նախագահում է դատավոր Զեյնալ Աղաևը։ Ադրբեջանական լրատվամիջոցները հայտնում են, որ դատական նիստում լսվել են, իբր, «հայկական զինված ուժերի կողմից ադրբեջանական տարածքների օկուպացիայից տուժողների հերթական ցուցմունքները»։
Մասնավորապես, Իվանյանի բնակիչ Ֆարման Մամեդովը հայտարարել է, թե «պատանդ է վերցվել 1992 թվականի փետրվարի փետրվարի 27-ին, այդ ժամանակ 10 տարեկան է եղել»։ Նա ասել է, թե «պատանդ է մնացել 10 օր և մյուս ադրբեջանցի գերիների հետ միասին ենթարկվել է ծեծի ու խոշտանգումների»։
Մեկ այլ «տուժող» Վալեհ Հուսեյնովը պատմել է, որ ինքը Իվանյանում ապրել է հարազատների հետ և, իբր, «ցեղասպանության ժամանակ նրա կնոջ վրա կրակել են հայ զինծառայողները։ Նա չի կարողացել լքել կնոջ մարմինը, ինչի հետևանքով վիրավորվել և պատանդ է վերցվել»։ Ասկերանում պատանդ պահվելու ժամանակ Հուսեյնովը նույնպես, իբր, խոշտանգումների է ենթարկվել։ Քսանյոթ օր գերության մեջ մնալուց հետո նա արտահանձնվել է Ադրբեջանին։
Դատական նիստը շարունակվում է։
Թարգմանությունը՝ Էմմա Չոբանյանի
