06.10.2026 | 10:42
Հրանտ-Լեոն Ռանոսն առաջին գոլն է խփել Իսպանիայի Սեգունդայում. ՏԵՍԱՆՅՈՒԹ
Պետդեպի խոսնակը մեկնաբանել է ՀՀ-ի և Ադրբեջանի միջև խաղաղության համաձայնագրի մասին Ռուբիոյի հայտարարությունը
Քաղաքականություն
09.07.2025 | 13:40
ԱՄՆ Պետքարտուղարության խոսնակ Թեմի Բրյուսը ճեպազրույցում անդրադարձել է պետքարտուղար Մարկո Ռուբիոյի այն հայտարարությանը, որում նա հույս էր հայտնել, որ Հայաստանն ու Ադրբեջանը շուտով խաղաղության համաձայնագիր կկնքեն։
Մասնավորապես, պատասխանելով հարցին, թե արդյո՞ք կա ԱՄՆ-ի կողմից ակտիվ ներգրավվածություն Հայաստանի և Ադրբեջանի միջև գործընթացներում, կա՞ ԱՄՆ-ի գլխավորած միջնորդություն և ի՞նչն է ԱՄՆ պետքարտուղարին ստիպում հավատալ, որ այդ գործընթացներում դրական ավարտ է լինելու, Բրյուսը հայտարարել է․
«Մենք ուրախ ենք բազմաթիվ պայմանավորվածություններով, հրադադարներով և փոփոխություններով, որոնց մենք կարողացել ենք ներգրավված լինել։ Պետքարտուղարը դա նշել է որոշակի պատճառով, և երբ մենք ձեզ համար ավելի շատ մանրամասներ ունենանք, ես դրանք կտրամադրեմ ձեզ»։
Հիշեցնենք, որ ԱՄՆ պետքարտուղար Մարկո Ռուբիոն հույս էր հայտնել շուտով Ադրբեջանի և Հայաստանի միջև խաղաղության համաձայնագրի կնքման։
Թարգմանությունը՝ Էմմա Չոբանյանի
