Զախարովան մեկնաբանել է ՀՀ-ի ընդդիմության և եկեղեցու հետ Կրեմլի առնչությանը վերաբերող հարցը

ՌԴ ԱԳՆ  պաշտոնական ներկայացուցիչ Մարիա Զախարովան ճեպազրույցում անդրադարձել է Հայաստանում ներքաղաքական իրավիճակին։ Հարցին, թե «Հայաստանի ընդդիմության, եկեղեցու վրա ճնշումները արդարացնում են նրանով, որ նրանք կապված են Ռուսաստանի հետ ու ՌԴ գործակալներ են», Զախարովան նշել է․

«Անկեղծ ասած, գրում են նրանք, ամաչում են բոլոր մյուսները։ Դա ակնհայտ է, սարսափելի է հայ ժողովդի համար, տեղեկատվական արշավ է։ Դա բերում է պառակտման հայ հասարակության մեջ»։

Ըստ նրա՝  արժեքները, հավատը, կրոնը, եկեղեցին, դառնում են արհեստական կռվախնձոր։

«Ինչո՞ւ է այս ամենը կապվում է ՌԴ-ի հետ։ Ի՞նչ կապ ունի ՌԴ-ն»,- ասել է Զախարովան՝ նշելով, դա ներքին հարց է։

«Իսկ այստեղ ամեն ինչ խառնվել է, մի կողմից հայ եկեղեցու ներկայացուցիչներին են պահանջներ ներկայացվել, մյուս կողմից՝ ի՞նչ կապ ունի Ռուսաստանը, որին մշտապես կապում են այս հարցի հետ, ընդհանրապես հասկանալի չէ»,- ասել է Զախարովան՝ հայտարարելով, որ «Ռուսաստանն անկեղծորեն շահագրգռված է եղբայրական Հայաստանում կայունությամբ»։

ԱԳՆ ներկայացուցիչը նշել է, որ իրենց դիրքորոշումն այն է, որ Հայաստանում պահպանվի օրինականությունը՝ հիմնված Սահմադրության վրա, ապահովվեն քաղաքացիների ազատությունները  ու իրավունքները, այդ թվում՝ կրոնական։

Խոսելով  Ֆրանսիայի նախագահ Էմանուել Մակրոնի ու ԵՄ դիվանագիտության ղեկավար Կայա Կալլասի հայտարարությունների մասին Հայաստանի իշխանություններին աջակցության հետ կապված, Զախարովան հայտարարել է, որ նրանց համար պետք է տուր կազմակերպել իրենց երկրներով, կոչ անել ժողովրդավարության, խոսքի ազատության, իրավունքների պահպանման։

Թարգմանությունը՝ Էմմա Չոբանյանի