12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Եկատերինբուրգում սպանված ադրբեջանցիների մարմիններն Ադրբեջան են տեղափոխել
Քաղաքականություն
30.06.2025 | 22:11
Եկատերինբուրգում սպանված Զիյադին և Հուսեյն Սաֆարովների մարմինները ինքնաթիռով տեղափոխել են Ադրբեջան, հայտնում են ադրբեջանական լրատվամիջոցները։
Եղբայրների մարմինները հանձնվել են Ադրբեջանում բնակվող նրանց հարազատներին։ Մարմինները կենթարկվեն փորձաքննության և վաղը կթաղվեն Աղջաբեդիում։
Հիշեցնենք՝ Բաքուն պնդում է, որ հունիսի 27-28-ին Եկատերինբուրգում ձերբակալվել է Ադրբեջանի ավելի քան 50 քաղաքացի։ Ադրբեջանական կողմի պնդմամբ՝ ուժայինները բռնություն են կիրառել, մի քանի մարդ վիրավորվել է, իսկ երկուսը՝ մահացել։
Նախ՝ Ադրբեջանի ԱԳՆ-ն հայտարարություն էր տարածել ու բացատրություններ պահանջել, ապա ադրբեջանական կողմը չեղարկել էր ՌԴ փոխվարչապետ Ալեքսեյ Օվերչուկի՝ հունիսի վերջին Բաքու նախատեսված այցը։ Ադրբեջանի մշակույթի նախարարությունն էլ հայտարարել է, որ երկրում չեղարկվում են ՌԴ-ի կողմից ծրագրված բոլոր մշակութային միջոցառումները։ Բացի այդ, Ադրբեջանի խորհրդարանը հայտնել է, որ Միլլի Մեջլիսի առաջին փոխնախագահ Ալի Ահմեդովի գլխավորած խորհրդարանական պատվիրակությունը չի մասնակցի Մոսկվայում կայանալիք Ադրբեջանի և Ռուսաստանի միջև միջխորհրդարանական համագործակցության հանձնաժողովի 23-րդ նիստին։
Թարգմանությունը՝ Էմմա Չոբանյանի
