24.06.2026 | 15:31
Համբարձում Մաթևոսյանը Լոնդոնում քննարկել է COP17-ի նախապատրաստական աշխատանքները
Բաքվում շինծու գործերով նիստում Արայիկ Հարությունյանը հայտարարել է, որ Արցախում ռազմական դատարան, ոստիկանություն և դատախազություն չի եղել
Քաղաքականություն
30.06.2025 | 17:56
Բաքվում շարունակվում է Արցախ ղեկավարների նկատմամբ հարուցված շինծու գործերով դատական նիստը։ Ադրբեջանական լրատվամիջոցների հաղորդմամբ՝ Արցախի նախկին նախագահ Արայիկ Հարությունյանը հայտարարել է, թե 2020 թվականին Հայաստանի նախագահը գեներալ-լեյտենանտի կոչում է շնորհել ԼՂՀ պաշտպանության նախարարին։
Նա ասել է, որ ինքը բանակի հետ կապված նման որոշում կայացնելու լիազորություն չի ունեցել․ «Գեներալ-լեյտենանտի կոչումը Ջալալ Հարությունյանին շնորհվել է ՀՀ նախագահ Արմեն Սարգսյանի կողմից: Նախագահն այս հրամանագիրը ստորագրել է վարչապետի ներկայացմամբ»:
Հարությունյանը նաև նշել է, որ Արցախում ռազմական հանցագործությունները քննելու համար ռազմական ոստիկանություն, ռազմական դատախազություն կամ ռազմական դատարան չի եղել։
«Ռազմական ոստիկանությունը Հայաստանի զինված ուժերի կառույց է։ Ռազմական դատախազությունը նույնպես գործել է որպես Հայաստանի դատախազության մաս։ Կարծում եմ, որ ընդհանուր դատավարություններ են անցկացվել Սյունիքի դատարանում։ Այլ կերպ ասած՝ նման դատավարություններ Ղարաբաղում չեն անցկացվել»,- ադրբեջանական կողմի հաղորդմամբ՝ ասել է նա։
Դատական նիստը շարունակվում է։
Թարգմանությունը՝ Էմմա Չոբանյանի
