06.10.2026 | 20:09
Մոսկվան հայտարարել է, թե Հայաստանը ցանկանում է Գյումրիից ռազմաբազայի դուրսբերման պատասխանատվությունը «բարդել Ռուսաստանի վրա»
Թուրքիայում անտառային հրդեհները չի հաջողվում մեկուսացնել․ այն հասել է բնակելի թաղամասերին․ ՏԵՍԱՆՅՈՒԹ
Քաղաքականություն
30.06.2025 | 11:53
Թուրքիայի արևմտյան և հարավային շրջաններում անտառային հրդեհներ են մոլեգնում։ Հատկապես տուժել են Իզմիր և Մանիսա արևմտյան նահանգները, որտեղ ուժեղ քամիները խանգարում են հրդեհաշիջման աշխատանքներին։ Իզմիրում հրդեհը հասել է բնակելի թաղամասերում։ TRT Haber-ի հաղորդմամբ՝ Իզմիրի Մենդերես և Սեֆերիհիսարի Դողանբեյ շրջաններում անտառային հրդեհները վերահսկողության տակ վերցնելու համար ցամաքային գործողությունները շարունակվել են ամբողջ գիշեր, օդային գործողությունները վերսկսվել են առավոտյան։
Հրդեհի պատճառով տարհանվել են Սեֆերիհիսարի Աթաթուրք, Ջումհուրիեթ, Օրհանլը, Փայամլը, Քավաքդերե թաղամասերը։
Հաղորդվում է, որ Իզմիրի Ադնան Մենդերեսի օդանավակայանը, որը ժամանակավորապես փակ էր թռիչքների համար, վերսկսել է աշխատանքը։
Թուրքիայի արդարադատության նախարար Յըլմազ Թունչը հայտնել է, որ Իզմիրի Բուջա շրջանում հրդեհի հետ կապված մեկ կասկածյալ է ձերբակալվել:
«Սեփական տունը բենզինով հրկիզելու մեջ կասկածվող տղամարդը ձերբակալվել է»,- նշել է։
Հարուցվել է քրեական գործ՝ «դիտավորյալ անտառային հրդեհ առաջացնելու» հոդվածով։
Թարգմանությունը՝ Էմմա Չոբանյանի
