13.01.2026 | 10:16
Պետդեպարտամենտում այսօր Մարկո Ռուբիոն կընդունի Արարատ Միրզոյանին
Ադրբեջանում չեղարկվել են ՌԴ-ի կողմից ծրագրված բոլոր մշակութային միջոցառումները
Քաղաքականություն
29.06.2025 | 16:32
Ադրբեջանում չեղարկվել են Ռուսաստանի կողմից ծրագրված բոլոր մշակութային միջոցառումները՝ Եկատերինբուրգում ադրբեջանցիների զանգվածային ձերբակալություններից հետո, փոխանցում է Meduza-ն։
Չեղարկվել են բոլոր մշակութային միջոցառումները, որոնք ծրագրված էին ադրբեջանական տարածքում՝ Ռուսաստանի պետական և մասնավոր կազմակերպությունների մասնակցությամբ։ Դրանք ներառում են համերգներ, փառատոներ, ներկայացումներ, ցուցահանդեսներ և այլ միջոցառումներ։
Որոշման պատճառը, ըստ հաղորդագրության, Ռուսաստանի իրավապահ մարմինների կողմից «ցուցադրական, միտումնավոր և արտադատական սպանությունների ու բռնությունների» իրականացումն է ադրբեջանցիների դեմ Եկատերինբուրգում։
«Վերջին շրջանում նման միջադեպերը ձեռք են բերել համակարգային բնույթ»,-նշվում է հաղորդագրության մեջ։
Հիշեցնենք՝ հունիսի 27-ին Եկատերինբուրգում ձերբակալվել է ավելի քան 50 ադրբեջանցի։ Տեղական լրատվամիջոցների փոխանցմամբ՝ ձերբակալությունները կապված են եղել դեռևս 2001 թվականին ադրբեջանցի Յունիս Պաշաևի սպանության չբացահայտված քրեական գործի, ինչպես նաև 2010–2011 թվականների ևս երկու հանցագործությունների հետ։
Ձերբակալվածներից երկուսը՝ եղբայրներ Հուսեյն և Զիյադդին Սաֆարովները, ովքեր եղել են սպանության հիմնական կասկածյալները, մահացել են ձերբակալության ժամանակ։
