07.03.2026 | 14:41
«Գնացե´ք Դուբայի իմ տները քննարկեք, ամոթ ա պետք ունենալ». Փաշինյանը Մարալիկում հունից դուրս եկավ․ ՏԵՍԱՆՅՈՒԹ
Բաքուն չեղարկել է Օվերչուկի այցը՝ Եկատերինբուրգում ադրբեջանցիների ենթադրյալ սպանությունից հետո
Քաղաքականություն
29.06.2025 | 10:13
Ռուսաստանի փոխվարչապետ Ալեքսեյ Օվերչուկի հունիսի վերջին նախատեսված այցը Ադրբեջան չեղյալ է հայտարարվել։
Ըստ ադրբեջանական լրատվամիջոցների՝ պատճառը Եկատերինբուրգում տեղի ունեցած իրադարձություններն էին, որտեղ անվտանգության գործողությունների ժամանակ «դաժանորեն սպանվել էին ադրբեջանցիներ», ինչը հանրային սուր արձագանք է առաջացրել։
Ըստ աղբյուրների՝ ստեղծված իրավիճակում ադրբեջանական կողմը նպատակահարմար չի համարում Օվերչուկի կամ այլ ռուս պաշտոնյաների այցը։
Ռուսաստանի արտաքին գործերի նախարարությունը ավելի վաղ մեկնաբանել է Եկատերինբուրգում ադրբեջանցիների զանգվածային ձերբակալությունների վերաբերյալ Ադրբեջանի արտաքին գործերի նախարարության հայտարարությունը։
Նախարարության պաշտոնական ներկայացուցիչ Մարիա Զախարովան ասել է, որ նախորդ տարիներին կատարված ծանր հանցագործությունների փաստերով, քրեական գործերի քննության շրջանակներում Ռուսաստանի իրավապահ մարմինները ձերբակալել են կասկածյալների, որոնք ադրբեջանական ծագումով Ռուսաստանի քաղաքացիներ են, և խուզարկություններ են անցկացրել նրանց տներում։
«Հունիսի 28-ին Ռուսաստանի Դաշնության գործերի ժամանակավոր հավատարմատար Պյոտր Վոլկովիխը, որը հրավիրվել էր Ադրբեջանի ԱԳՆ, ադրբեջանական կողմին տրամադրել է անհրաժեշտ բացատրությունները և վստահություն հայտնել, որ իրավիճակը գտնվում է իրավապահ մարմինների վերահսկողության տակ։ Նշված քրեական գործերով քննչական գործողությունները շարունակվում են»,-ընդգծել է Ռուսաստանի արտաքին գործերի նախարարության խոսնակը։
Զախարովան հավելել է, որ ավելի մանրամասն տեղեկություններ Քննչական կոմիտեն կհրապարակի, հենց որ դրանք հասանելի դառնան։
Ադրբեջանական լրատվամիջոցների տեղեկության համաձայն՝ գործողության ընթացքում զոհերի թիվը հասել է 6-ի:
