06.10.2026 | 15:29
Դատական նիստում հայհոյելու գործով Վարդան Ղուկասյանն արդարացվել է, որդու արարքը՝ վերաորակվել
Ռուսաստանի զանգվածային հարվածը Ուկրաինային. ավերածություններ՝ Լվովի և Չերկասի շրջակայքում, զոհվել է F-16-ի օդաչուն
Քաղաքականություն
29.06.2025 | 12:03
Հունիսի 29-ի գիշերը ռուսական զինված ուժերը զանգվածային հարվածներ են հասցրել Ուկրաինային՝ հրթիռներով և անօդաչու սարքերով։ Մասնավորապես, հարվածները իրականացվել են «Շահեդ» տեսակի անօդաչուներով, ինչպես նաև տարբեր տեսակի բալիստիկ և թևավոր հրթիռներով, փոխանցում է BBC-ի ռուսական ծառայությունը։
Տեղեկություններ կան ավերածությունների մասին Լվովի, Պոլտավայի, Չերկասի, Նիկոլաևի և Զապորոժիեի մարզերում։ Հարձակումը հետ մղելու ժամանակ վայր է ընկել ուկրաինական F-16 կործանիչ, որի օդաչուն զոհվել է։
Ուկրաինայի զինված ուժերի օդային ուժերի հաղորդմամբ՝ գիշերը ռուսական բանակը կիրառել է տարբեր տեսակների ընդհանուր 477 անօդաչու թռչող սարք, այդ թվում՝ ավելի քան 250 «Շահեդ»։
Բացի այդ, հաղորդվում է չորս «Կինժալ» տիպի օդաբալիստիկ հրթիռների հարվածների, յոթ «Իսկանդեր-Մ» բալիստիկ հրթիռների, 41 «Խ-101» հրթիռի, հինգ «Կալիբր» հրթիռների (արձակվել են Սև ծովի ջրային տարածքից), ինչպես նաև երեք С-300 բալիստիկ հրթիռների կիրառման մասին։
