13.01.2026 | 10:16
Պետդեպարտամենտում այսօր Մարկո Ռուբիոն կընդունի Արարատ Միրզոյանին
Ադրբեջանն ու Թուրքիան ռազմական ոլորտում համագործակցության հարցեր են քննարկել
Քաղաքականություն
27.06.2025 | 18:30
Ադրբեջանի պաշտպանության նախարարի առաջին տեղակալ, գլխավոր շտաբի պետ, գեներալ-գնդապետ Քերիմ Վելիևը, որը այցով Թուրքիայում է, իր գլխավորած պատվիրակության հետ միասին հետևել է Ստամբուլում ընթացող «Խաղաղության պաշտպան – 2025» միջազգային զորավարժություններին:
Ադրբեջանի ՊՆ հաղորդմամբ՝ այնուհետև ժամանել է Կոնիա քաղաք, որտեղ մասնակցել է «Անատոլիական արծիվ – 2025» միջազգային զորավարժությունների շրջանակներում անցկացվող ավագ դիտորդի օրվան:
Նշվում է, որ հյուրերին տրամադրվել է մանրամասն տեղեկատվություն զորավարժությունների պլանավորման գործընթացի, սցենարի, նպատակների և առաջադրանքների հաջորդականության մասին։
«Անատոլիական արծիվ 2025» զորավարժություններին մասնակցում են Ադրբեջանցի օդաչուներ և տեխնիկական անձնակազմ, ինչպես նաև ռազմաօդային ուժերի ավիացիոն միջոցներ։
Այցի ընթացքում Վելիևը հանդիպումներ է անցկացրել Թուրքիայի ազգային պաշտպանության նախարար Յաշար Գյուլերի, զինված ուժերի գլխավոր շտաբի պետ, բանակի գեներալ Մեթին Գյուրակի և Թուրքիայի Ազգային պաշտպանության համալսարանի ռեկտոր, պրոֆեսոր Էրհան Աֆյոնջուի հետ։
«Հանդիպումների ընթացքում քննարկվել են Ադրբեջանի և Թուրքիայի միջև փոխադարձ վստահության և աջակցության վրա հիմնված համագործակցության զարգացման հեռանկարները։ Նշվել է, որ Ադրբեջանի և Թուրքիայի միջև ռազմավարական դաշինքը հիմնված է բարեկամական և եղբայրական հարաբերությունների վրա»,-ասվում է հայտարարության մեջ։
Կողմերը մանրամասն մտքեր են փոխանակել ռազմական, ռազմատեխնիկական, ռազմակրթական և այլ ոլորտներում համագործակցության ներկա վիճակի և ընդլայնման վերաբերյալ, ինչպես նաև քննարկել են փոխադարձ հետաքրքրություն ներկայացնող այլ հարցեր։
Թարգմանությունը՝ Էմմա Չոբանյանի
