09.10.2026 | 10:39
Թրամփը հայտարարել է, որ ԱՄՆ-ը մինչև նոյեմբերին կայանալիք միջանկյալ ընտրությունները չի հարձակվի Իրանի վրա
Հունգարիան արգելափակել է ԵՄ-ին Ուկրաինայի անդամակցության շուրջ բանակցությունների մեկնարկը
Քաղաքականություն
27.06.2025 | 00:09
Եվրամիության գագաթնաժողովը չի կարողացել ընդունել Ուկրաինայի վերաբերյալ ամփոփիչ հայտարարությունը, որի կետերից մեկում խոսվում էր ԵՄ-ին երկրի անդամակցության շուրջ բանակցությունների մեկնարկին աջակցելու մասին:
Եվրոպական խորհրդի հաղորդագրության մեջ ասվում է, որ կոմյունիկեի տեքստին «վճռականորեն» աջակցել են 27 երկրներից 26-ը:
«Եվրախորհուրդն այդ թեմայի քննարկմանը կվերադառնա հաջորդ հանդիպմանը (հոկտեմբերին)»,- նշվում է մամուլի հաղորդագրության մեջ:
Ամփոփիչ հայտարարության նախագծում ասվում է, որ Եվրոպական խորհուրդը դատապարտում է Ուկրաինայի տարածքների ռուսական գնդակոծությունները, շարունակելու է համակողմանիորեն աջակցել Կիևին, ինչպես նաև «աջակցում է ԵՄ-ին անդամակցելու Ուկրաինայի ուղին»:
Գագաթաժողովից առաջ Հունգարիայի վարչապետ Վիկտոր Օրբանը հայտնել է, որ երկրում անցկացված հարցման արդյունքներով հունգարացիների 95 տոկոսը դեմ է արտահայտվել Եվրամիությանն Ուկրաինայի անդամակցությանը։
Ուկրաինան Եվրամիությանն անդամակցելու հայտ է ներկայացրել 2022 թվականի փետրվարի 28-ին՝ ՌԴ զորքերի լայնամասշտաբ ներխուժումից մի քանի օր անց։ 2022 թվականի հունիսին այն ստացել է թեկնածու երկրի կարգավիճակ։ ԵՄ-ին թեկնածու երկրի անդամակցությանը պետք է աջակցեն ԵՄ բոլոր անդամ պետությունները։
