05.10.2026 | 23:19
Փաշինյանը նոր նշանակումներ է արել
Երեկվա արդյունավետ գործողություններ կատարած իրավապահներին ներկայացրել ենք պետական պարգևի․ Փաշինյան
Հասարակություն
26.06.2025 | 13:13
Երեկ բացահայտվել է մեր պետականության, ՀՀ անվտանգության և կայունության դեմ նախապատրաստվող հանցագործություն, կանխվել է այդ պլանի իրագործումը»,- այս մասին Կառավարության նիստում հայտարարեց ՀՀ վարչապետ Նիկոլ Փաշինյանը։ Վարչապետը երեկվա գործողությունների հետ կապված շնորհակալություն հայտնեց իրավապահ ուժերի ներկայացուցիչներին։
«Կարծում եմ՝ իմաստ կունենա, որ ԱԱԾ, Դատախազության, ՔԿ-ի, Ներքին գործերի նախարարության առավել արդյունավետ գործած աշխատակիցներին ներկայացնեք պետական պարգևի»,- առաջարկեց Փաշինյանը։
Կառավարության ղեկավարը նաև հայտնեց, որ առավոտյան այդ հարցը քննարկել է նախագահի հետ։ Բացի այս, Փաշինյանը համոզված է, որ արդյունավետ քննություն տեղի կունենա, և հետագա ընթացքի մասին մեր իրավապահները հանրությանը կիրազեկեն։
Հիշեցնենք, որ երեկ առավոտից խուզարկություններ էին սկսվել «Սրբազան պայքարի» ղեկավար Բագրատ Գալստանյանի և նրա համակիրների բնակարաններում։ Արդեն կեսօրին Գալստանյանը բերման ենթարկվեց, ավելի ուշ հայտնի դարձավ, որ նրան մեղադրանք է առաջադրվել ահաբեկչություն նախապատրաստելու, զանգվածային անկարգություններ հրահրելու հոդվածներով։
Մանրամասները՝ տեսանյութում։
Մանյա Պողոսյան
