13.01.2026 | 18:20
ԵՄ-ն խոստանում է պատժամիջոցներ կիրառել Իրանի նկատմամբ «սարսափելի զոհերի պատճառով»
Ահաբեկչություն նախապատրաստելու գործով ձերբակալված 16 անձանցից 10-ն այս պահին կալանավորված է
Հասարակություն
26.06.2025 | 10:22
Factor TV-ի տեղեկություններով երեկ ձերբակալված 16 անձանցից 10-ի նկատմամբ ընտրվել է խափանման միջոց կալանքը։ Երեկ ուշ գիշերը հայտնի դարձավ, որ երկու ամսով կալանավորվել է «Սրբազան պայքարի» առաջնորդ Բագրատ Գալստանյանը։ Ավելի վաղ նախաքննական մարմնի միջնորդությունը բավարարվել էր նաև ՀՅԴ Հայաստանի ԳՄ անդամ Իգոր Սարգսյանի, ԼՂ ԱԺ նախկին պատգամավոր Դավիթ Գալստյանի, Բագրատ Գալստանյանի օգնական Մովսես Շարբաթյանի, պահեստազորի գնդապետ Միհրան Մախսուդյանի և ևս 6 անձի մասով և խափանման միջոց էր ընտրվել երկամսյա կալանքը:
Հիշեցնենք՝ երեկ առավոտից խուզարկություններ էին սկսվել «Սրբազան պայքարի» ղեկավար Բագրատ Գալստանյանի և նրա համակիրների բնակարաններում։ Արդեն կեսօրին իր կեցավայրից բերման էր ենթարկվել Գալստանյանը, ավելի ուշ հայտնի էր դարձել, որ նրան մեղադրանք է առաջադրվել ահաբեկչություն նախապատրաստելու, զանգվածային անկարգություններ հրահրելու հոդվածներով։
Ռոզա Վարդանյան
