12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Անհրաժեշտ է ավարտին հասցնել վարչապետին անվստահություն հայտնելու գործընթացը. ՀՀԿ ԳՄ-ի հայտարարությունը
Քաղաքականություն
25.06.2025 | 21:16
Հայաստանի Հանրապետական կուսակցության գործադիր մարմինը հայտարարություն է տարածել՝ անդրադառնալով այսօրվա ձերբակալություններին։
«Հայաստանի Հանրապետության կառավարիչների քարոզչական ստերը արձանագրում են նոր բարձունքներ։
Հայաստանի Հանրապետական կուսակցությունն իր աջակցությունն է հայտնում քաղաքական դրդապատճառներով հետապնդվող մեր հայրենակիցներին եւ դատապարտում է իրավապահ համակարգի օգտագործումը՝ քաղաքական ընդդիմախոսների լռեցման նպատակով։
Այսօրվա կառավարիչների հակապետական գործունեության հետեւանքով մեր հայրենիքը հայտնվել է օրհասական իրավիճակում։
Ազգային ուժերի համախմբման եւ համաժողովրդական բողոքի ալիքի ճնշմամբ անհրաժեշտ է ավարտին հասցնել վարչապետին անվստահություն հայտնելու գործընթացը»,- ասված է հայտարարության մեջ։
Ավելի վաղ հայտարարություն էր տարածել նաև «Հայաստան» դաշինքը։
Հիշեցնենք, որ այսօր առավոտյան Քննչական կոմիտեն հայտնել է, որ «Սրբազան շարժում» անվանումով շարժման մասնակիցները և ղեկավարները պլանավորել էին ՀՀ-ում իրականացնել ահաբեկչական և իշխանությունը զավթելուն ուղղված գործողություններ։
